आज टेक्नोलॉजिच्या युगात मोबाईल वापरकर्त्यांचं प्रमाण प्रचंड वाढलं आहे.
अनेकजण रात्रभर मोबाईल चार्जिंगला लावतात आणि दिवसभर त्याचा वापर करतात.
मात्र, मोबाईलची बॅटरी पूर्ण चार्ज होण्यासाठी 6 ते 8 तास नक्कीच लागत नाहीत.
नवीन फोनमध्ये स्मार्ट टेक्नोलॉजी असली तरी जुने फोन तितके अवगत नाहीत.
जुन्या फोनमध्ये चार्जिंग पूर्ण झाल्यानंतरही चार्जिंग सुरू ठेवल्यास बिघाड होण्याची शक्यता असते.
चार्जिंगच्या वेळी मोबाईल गरम झाला तर काही जण घाबरतात. परंतु, ही भिती व्यर्थ असते.
सध्या उपलब्ध असलेल्या स्मार्टफोनमध्ये चार्जिंग सर्किट बसवण्यात आलेलं असतं.
त्यामुळे बॅटरी पूर्ण म्हणजेच 100 टक्के चार्ज झाल्यावर वीजपुरवठा घेणं बंद करते.
त्यामुळे एखाद्या दिवशी रात्रभर चुकून स्मार्टफोन चार्जिंगला राहिला तरी काळजी करण्याचं कारण नाही.
परंतु, रात्रभर मोबाइल चार्जिंग सुरू न ठेवणं अधिक सोयीस्कर असल्याचं तज्ज्ञ सांगतात.