हल्ली दररोजच्या धापवळीच्या आयुष्यात अनेक जण आरोग्याकडे लक्ष देत नाही.

नोकरी हा आयुष्याचा भाग आहे पण नोकरी म्हणजे आयुष्य नाही, हे समजून घेणे, खूप महत्त्वाचे आहे.

कामाच्या वेळी काम आणि इतर वेळी मनसोक्तपणे आयुष्य जगता आले पाहिजे.

अनेक लोक ९ ते ५ नोकरीमुळे त्यांचे वैयक्तिक आयुष्य सुद्धा विसरतात आणि सतत कामामुळे तणावात राहतात.

कामाविषयी सतत बोलणे

जरी तुमचे काम सात वाजता संपले असेल तरी तुम्ही तुमच्या मित्रांबरोबर, कुटुंबातील सदस्यांबरोबर तसेच शेजाऱ्यांबरोबर तुमच्या कामाविषयी बोलत असता.

सुट्टीच्या दिवशी मेल तपासणे

कामापासून ब्रेक घेण्यासाठी सुट्टी असते ज्यामुळे आपण स्वत:ला वेळ देऊ शकतो पण सुट्टीच्या दिवशी सुद्धा तुम्ही मेल तपासत असाल, तर हे चुकीचे आहे.

इच्छा नसताना ऑफिस वेळेच्या पलीकडे काम करणे

तुम्हाला अति काम करायची इच्छा नसते. परंतु काही कारणांमुळे तुम्ही बोलत नाही आणि प्रत्येक जण त्याचा फायदा घेत तुमच्यावर काम सोपवतात.

ऑफिसचे काम घरी करणे

अनेक जण डेडलाइन पूर्ण करण्याच्या नादात ऑफिसवरून घरी आल्यानंतर पुन्हा काम करतात.

सुट्टीवर असताना तुम्ही ऑफिसचा ग्रुप बंद ठेवत नाही

आठवड्याची सुट्टी असो किंवा तुम्ही चार पाच किंवा त्यापेक्षा जास्त दिवस सुट्टीवर असाल तर तुम्ही ऑफिसचे ग्रुप बंद ठेवत नाही .

सतत ऑफिस पॉलिटिक्सविषयी चर्चा करणे

जरी तुमचे काम संपले तरी तुम्ही तुमच्या सहकाऱ्यांबरोबर ऑफिस पॉलिटिक्सविषयी चर्चा करता.