सध्या टॅटू हा फॅशनचा अत्यावश्यक भाग बनला आहे आणि अनेक तरुण वर्ग याकडे आकर्षित झाला आहे.

काही लोक आपल्या आवडीनुसार नाव, चिन्ह किंवा खास डिझाईन्स टॅटूच्या माध्यमातून आपल्या शरीरावर कोरून घेतात.

बरेच जण एक नव्हे तर अनेक टॅटू करून घेतात, आणि ही गोष्ट एक स्टाईल स्टेटमेंट बनली आहे.

टॅटू काढल्यानंतर त्याची नीट काळजी घेणे आवश्यक असते, विशेषतः सुरुवातीच्या काही दिवसांत.

नव्याने काढलेल्या टॅटूवर लावण्यासाठी सुगंधरहित (fragrance-free) आणि त्वचेला श्वास घेऊ देणारा (breathable) मॉइश्चरायझर वापरणे सर्वात योग्य मानले जाते.

मॉइश्चरायझर फक्त एक पातळ थर लावावा; खूप जास्त प्रमाणात लावल्यास त्वचेवर चिकटपणा निर्माण होऊ शकतो आणि संसर्गाचा धोका वाढतो.

हे मॉइश्चरायझर टॅटूला धूळ, घाण आणि जंतूंंपासून संरक्षण देते, ज्यामुळे संसर्ग होण्याची शक्यता कमी होते.

यामुळे त्वचेला होणारी जळजळ, खाज आणि सूज यावर नियंत्रण मिळवता येते.

पहिल्या 3-4 दिवसांत दररोज 2-3 वेळा हलक्या प्रमाणात मॉइश्चरायझर लावणे आवश्यक आहे, जेणेकरून टॅटू व्यवस्थित भरू शकतो आणि त्वचा लवकर बरी होते.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)