बॉलिवूडचा हरहुन्नरी अभिनेता आयुष्मान खुराना आज (14 सप्टेंबर) आपला 34वा वाढदिवस साजरा करत आहे

आपल्या मेहनतीच्या बळावर आयुष्मानने बॉलिवूड इंडस्ट्रीत आपली एक वेगळी ओळख निर्माण केली आहे.

फार कमी लोकांना माहित असेल की, आयुष्मानने वयाच्या अवघ्या 17व्या वर्षी ग्लॅमरच्या दुनियेत प्रवेश केला होता.

इतकंच नाही तर, वयाच्या 20व्या वर्षापर्यंत त्याने स्वतःची वेगळी ओळख निर्माण केली होती

अभिनेता आयुष्मान खुराना याचा जन्म 14 सप्टेंबर 1984 रोजी चंदीगडमध्ये झाला.

चंदीगडमध्ये शिकत असताना, वयाच्या अवघ्या 17व्या वर्षी आयुष्मानने टीव्हीवर गायक म्हणून आपली कारकीर्द सुरु करण्याची तयारी केली होती.

त्याने 2002 मध्ये चॅनल Vच्या ‘पॉपस्टार्स’ या कार्यक्रमात भाग घेतला होता.

मात्र, या कार्यक्रमात त्याला फारसे यश मिळाले नाही. मात्र, त्याने आपली मेहनत आणि जिद्द अजिबात सोडली नाही

2004 मध्ये आयुष्मान खुराना एमटीव्हीच्या 'रोडीज' शोमध्ये झळकला होता. या शोचे विजेतेपदही त्याने पटकावले होते.

या यशानंतर त्याने अँकरिंगमध्ये पाऊल ठेवले. इथूनच आयुष्मानच्या करिअरची सुरुवात झाली.