आता भूल भुलैय्या-2 च्या यशानंतर अभिनेता कार्तिक आर्यनचे चाहते त्याला बॉलिवूडचा किंग म्हणत आहेत.

कार्तिकनं आता या गोष्टीवर प्रतिक्रिया दिली आहे.

सध्या कार्तिकच्या भूल भुलैय्या-2 या चित्रपटानं बॉक्स ऑफिसवर धुमाकूळ घातला आहे.

चित्रपटानं 150 कोटींपेक्षा जास्त कमाई केली आहे. त्यामुळे आता बॉलिवूडचा किंग कार्तिक आहे, असं चाहते म्हणत आहेत.

कार्तिकनं एका मुलाखतीमध्ये सांगितलं, 'अजून बऱ्याच गोष्टी करायच्या आहेत. किंग नाही तर प्रिन्स म्हणलं तर जास्त आवडेल.'

कार्तिकच्या या रिअॅक्शननं अनेकांचे लक्ष वेधले.

'सोनू के टीटू की स्वीटी', 'प्यार का पंचनामा 2', 'भूल भुलैया 2', 'पति पत्नी और वो' आणि 'धमाका' या चित्रपटांना प्रेक्षकांची पसंती मिळाली.

'सत्यनारायण की कथा' आणि 'कॅप्टन इंडिया' हे कार्तिकचे आगामी चित्रपट प्रेक्षकांच्या भेटीस येणार आहेत.

कार्तिकसोबतच तब्बू, कियारा अडवाणी आणि राजपाल यादव यांनी भूल भुलैय्या-2 या चित्रपटामध्ये प्रमुख भूमिका साकारली आहे.

चित्रपटानं पहिल्याचं दिवशी म्हणजेच शुक्रवारी 14.11 कोटींची कमाई केली होती.