बॉलिवडमधील ज्येष्ठ अभिनेत्री तनुजा आणि काजोल या दोघी 'कोण होणार करोडपती' (Kon Honar Crorepati) च्या मंचावर पहिल्यांदाच एकत्र येणार आहेत.
ये दिल्लगी, करण अर्जुन, डीडीएलजे, गुप्‍त, कभी खुशी कभी गम, माय नेम इज खान आणि फना यांसारख्या हिट चित्रपटांमधून प्रेक्षकांच्या भेटीस येणाऱ्या काजोलला इंडस्ट्रीमध्ये यायचं नव्हतं असं तिनं कोण होणार करोडपतीमध्ये सांगितलं.
अभिनय नाही तर एका ऑफिसमध्ये जाऊन नोकरी करायची इच्छा होती, असंही यावेळी काजोल म्हणाली.
काजोल म्हणते, 'मला बॉलिवूड फिल्म इंडस्ट्रीमध्ये कधीच यायचे नव्हते. मी असा विचार करत होते की मी एक नोकरी आणि मला महिन्याला पगार मिळेल. '
त्यानंतर तनुजा म्हणतात, 'तिने जिथे नोकरी केली असती त्या ऑफिसमधील लोकांचा विचार करा.'
काजोलनं 1992 मध्ये रिलीज झालेल्या ‘बेखुदी’ या चित्रपटामधून अभिनय क्षेत्रात पदार्पण केलं.
काही दिवसांपूर्वी काजोलचा ‘त्रिभंगा’ हा चित्रपट नेटफ्लिक्‍सवर प्रदर्शित झाला होता.
लवकरच काजोलचा ‘सलाम वेंकी’ हा चित्रपट प्रेक्षकांच्या भेटीस येणार आहे.
काजोलचा चाहता वर्ग मोठा आहे.
काजोल तिच्या अभिनयानं नेहमीच प्रेक्षकांची मनं जिंकते.