छोट्या पडद्यावरची लोकप्रिय अभिनेत्री हृता दुर्गुळे सध्या प्रचंड चर्चेत आहे. मालिका विश्वातून घराघरांत पोहोचलेल्या हृता दुर्गुळेचा मोठा चाहता वर्ग आहे. सोशल मीडियावर सक्रिय असणारी हृता नेहमी आपल्या चाहत्यांशी कनेक्टेड असते. नुकतेच हृता दुर्गुळेने तिचे काही नवे फोटो सोशल मीडियावर शेअर केले आहेत. या फोटोंमध्ये हृता सुंदर ‘फुलपाखरू’च असल्यासारखी वाटत आहे. पिवळ्या रंगाच्या या लेहेंगा आउटफिटमध्ये ती खूप सुंदर दिसते आहे. ‘दुर्वा’ या मालिकेच्या माध्यमातून हृता दुर्गुळेने छोट्या पडद्यावर पदार्पण केलं. तर, ‘फुलपाखरू’ मालिकेने हृताला लोकप्रियता मिळाली. या मालिकेच्या माध्यमातून हृता घराघरांत पोहोचली.