दारुचा हँगओव्हर उतरवण्यासाठी कोणते घरगुती उपाय कराल?

आजकालचा जीवनाचा ताण, ऑफिसचं प्रेशर आणि सोशल लाईफमुळे अनेकजण अधूनमधून दारूचं सेवन करतात.

पार्टी असो, गेट टु गेदर असो किंवा फॅमिली फंक्शन, आता महिलाही या गोष्टींपासून दूर राहिलेल्या नाहीत.

दारू प्यायल्यानंतर दुसऱ्या दिवशी उठल्यावर जो हँगओव्हर येतो, त्याने सगळाच मूड खराब होतो.

डोकेदुखी, मळमळ, थकवा, आणि अजीबशी अस्वस्थता जाणवते. अशा वेळी आपण काही घरगुती उपाय करून ही नशा लवकर उतरवू शकतो.

चला पाहूया हे सोपे आणि नैसर्गिक उपाय...

फळांचा रस प्या :

दारूमुळे शरीरातील साखर कमी होते, त्यामुळे थकवा आणि चक्कर येऊ शकते. अशावेळी ताज्या फळांचा रस पिणं खूप उपयोगी ठरतं. हे रस मेंदूला काम करायला ताकद देतात.

भरपूर पाणी प्या:

दारूमुळे शरीर डिहायड्रेट होतं. म्हणूनच हँगओव्हरपासून लवकर मुक्त व्हायचं असेल, तर दिवसात अनेक वेळा पाणी प्या. थोडं थोडं करून पिणं जास्त फायद्याचं ठरतं.

पुदिन्याचा काढा:

पुदिना हे नैसर्गिक औषध आहे. 3-4 पुदिन्याची पानं गरम पाण्यात टाकून उकळा आणि गाळून प्या. त्यामुळे मळमळ, थंडी वाटणं आणि डोकेदुखी कमी होते.

आलं :

आल्यात नैसर्गिक डिटॉक्स गुणधर्म असतात. आलं उकळून त्याचा चहा बनवा किंवा गरम पाण्यात त्याचा रस टाकून प्या. त्यामुळे शरीरातली घाण बाहेर पडते आणि तुम्ही फ्रेश वाटता.

दारूचं सेवन आरोग्यासाठी कधीच चांगलं नाही. पण कधीमधी कुणी पीत असेल आणि त्यानंतर त्रास होत असेल, तर हे घरगुती उपाय लगेच मदतीला येऊ शकतात.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)