मँचेस्टरच्या ओल्ड ट्रॅफर्ड स्टेडियमवर खेळण्यात आलेल्या तिसऱ्या आणि निर्णायक सामन्यात भारतानं इंग्लंडचा पाच विकेट्सनं पराभव केला.
या विजयासह भारतानं 2-1 नं मालिका जिंकली.
तब्बल आठ वर्षानंतर रोहित शर्माच्या नेतृत्वात भारतीय संघानं इंग्लंडच्या मायभूमीवर एकदिवसीय मालिका जिंकली आहे.
या कामगिरीसह रोहित शर्मानं खास क्बलमध्ये एन्ट्री केलीय.
इंग्लंडला त्यांच्याच मायभूमीवर पराभूत करणारा रोहित शर्मा चौथा भारतीय कर्णधार ठरलाय.
इंग्लंडविरुद्ध त्यांच्याच भूमीवर एकदिवसीय मालिकेत भारतीय संघानं तीन वेळा विजय मिळवला होता.
भारताचे माजी कर्णधार कपिल देव यांच्या नेतृत्वात भारतानं 1986 मध्ये पहिल्यांदाच इंग्लंडला त्यांच्याच मायभूमीवर नमवलं होतं.
त्यानंतर मोहम्मद अझरुद्दीननं 1990 आणि महेंद्रसिंह धोनीच्या नेतृत्वात भारतानं 2014 मध्ये इंग्लंडला त्यांच्याच मायभूमीवर पराभूत केलं.