भारताला पुढील महिन्यात इंग्लंडशी रिशेड्युल कसोटी सामना खेळायचा आहे.

भारतीय संघ गेल्या वर्षी इंग्लंड दौऱ्यावर गेला होता. त्यावेळी कोरोनामुळं भारत- इंग्लंडमधील अखेरचा कसोटी सामना होऊ शकला नव्हता.

या सामन्यात विजय मिळवून भारतीय संघ इतिहास रचण्यासाठी सज्ज झालाय. यापूर्वीच भारतीय संघासाठी आनंदाची बातमी समोर येत आहे.

इग्लंडचा स्टार गोलंदाज जेम्स ॲंडरसनला दुखापत झालीय. तसेच तो भारताविरुद्ध बर्मिंगहॅम कसोटी सामन्यातून मुकण्याची शक्यता व्यक्त केली जात आहे.

जेम्स ॲंडरसन 39 वर्षांचा आहे. त्याच वय हा त्याच्यासाठी मोठा अडथळा ठरत आहे.

भारताविरुद्ध जेम्स ॲंडरसननं आतापर्यंत भेदक गोलंदाजी केली आहे.

जेम्स ॲंडरसननं मायदेशात भारताविरुद्ध 21 कसोटी सामन्यात 99 विकेट्स घेतले आहेत.

कसोटी क्रिकेटमध्ये सर्वाधिक विकेट्स घेणाऱ्या गोलंदाजांच्या यादीत जेम्स ॲंडरसन तिसऱ्या क्रमांकावर आहे. त्याच्या नावावर 651 विकेट्सची नोंद आहे.

कसोटी क्रिकेटमध्ये सर्वाधिक विकेट्स घेणाऱ्या गोलंदांजांच्या यादीत श्रीलंकेचा फिरकी गोलंदाज मुरलीधरन 800 विकेट्स सह पहिल्या स्थानावर आहे.

त्यानंतर आपल्या फिरकीच्या जादूनं कसोटीत 708 विकेट्स घेणारा ऑस्ट्रेलियाचा फिरकी गोलंदाजी शेन वार्न दुसऱ्या क्रमांकावर आहे.