पहिल्या सामन्यात हार्दिक पांड्याऐवजी सूर्यकुमार यादवने मुंबई इंडियन्स संघाचे नेतृत्व केले होते.
मुंबई इंडियन्स संघाचा चौथा सामना लखनऊमध्ये खेळला जाणार आहे.
शुक्रवारी लखनऊ सुपर जायंट्स विरुद्ध मुंबई इंडियन्स यांच्यातील सामना लखनऊमधील इकाना स्टेडियमवर खेळला जाईल.
या सामन्यापूर्वी सूर्यकुमार यादव, दीपक चाहर, तिलक वर्मा आणि संघातील इतर अनेक खेळाडू अयोध्याच्या राम मंदिरात पोहोचले.
देशाच्या कानाकोपऱ्यातून रामलल्लाचे दर्शन घेण्यासाठी भाविक गर्दी करत असताना, आता मुंबई इंडियन्सचे शिलेदारही रामलल्लाच्या दर्शनासाठी आतुर झाल्याचं दिसून आलं.
सूर्यकुमार यादव यांनी आपल्या पत्नीबरोबरचा फोटो शेअर केला आहे.
दीपक चाहरची पत्नी, जया भारद्वाजने सोशल मीडियावर फोटो शेअर केले आहे.
फोटोमध्ये टिळक वर्मा आणि करण शर्मा देखील दिसत आहे.