आयपीएलला मिळणार नवा विजेता, बंगळुरूसमोर अंतिम सामन्यात पंजाबचं आव्हान;

पंजाबची मुंबई इंडियन्सवर पाच विकेट्सनी मात, श्रेयस अय्यरची खेळी निर्णायक

पंजाब किंग्सनं क्वालिफायर टू सामन्यात मुंबई इंडियन्सचा पाच विकेट्सनी पराभव करून, दुसऱ्यांदा आयपीएलच्या फायनलमध्ये धडक मारली.

मुंबईनं विजयासाठी दिलेलं २०४ धावांचं आव्हान पंजाबनं सहा चेंडू राखून पार केलं.

त्यामुळं यंदाच्या आयपीएलमध्ये रॉयल चॅलेंजर्स बंगळुरू विरुद्ध पंजाब अशी फायनल पाहायला मिळेल.

या दोन्ही संघांनी एकदाही आयपीएल जिंकलेली नाही, हे विशेष.

कर्णधार श्रेयस अय्यरनं ४१ चेंडूंत केलेली नाबाद ८७ धावांची खेळी पंजाबच्या विजयात निर्णायक ठरली

श्रेयसनं निहाल वढेराच्या साथीनं चौथ्या विकेटसाठी रचलेली ८४ धावांची भागीदारी मोलाची ठरली.

मुंबईकडून जॉनी बेअरस्टोनं ३८, तिलक वर्मानं ४४, सूर्यकुमार यादवनं ४४ आणि नमन धीरनं ३७ धावांची धडाकेबाज खेळी उभारली.