शेअर मार्केटऐवजी तुम्हाला दुसऱ्या ठिकाणी तुम्हाला जर गुंतवणूक करायची असेल तर तुम्ही पोस्टाच्या योजनेत पैशांची गुंतवणूक करु शकता.

तुम्ही एखाद्या पोस्ट ऑफिस योजनेत गुंतवणूक करण्याचा विचार करत असाल तर एका सरकारी योजनेची माहिती जाणून घ्या.

ही योजना पोस्ट ऑफिस अंतर्गत चालवली जाते. या योजनेंतर्गत केवळ व्याजातून 12 लाख रुपयांहून अधिक कमाई होऊ शकते.

त्याचबरोबर या योजनेअंतर्गत कर सवलतीचा लाभही दिला जातो. यामध्ये गुंतवणुकीची कमाल मर्यादा 30 लाख रुपये आहे.

पोस्ट ऑफिस ज्येष्ठ नागरिक बचत योजना ही एक ठेव योजना आहे. यामध्ये 5 वर्षांसाठी ठराविक रक्कम गुंतवली जाते.

ज्येष्ठ नागरिक या योजनेत जास्तीत जास्त 30 लाख रुपये गुंतवू शकतात, तर किमान गुंतवणुकीची मर्यादा 1000 रुपये आहे.

सध्या SCSS वर 8.2 टक्के वार्षिक व्याज दिले जाते. व्याज तिमाही आधारावर सुधारित केले जाते.

जर तुम्ही या योजनेत वार्षिक 30 लाख रुपये गुंतवले तर तुम्हाला 5 वर्षांत 8.2 टक्के दराने 12,30,000 रुपये व्याज मिळेल.

यामध्ये प्रत्येक तिमाहीत 61,500 रुपये व्याज म्हणून जमा केले जातील. तुम्हाला 5 वर्षानंतर एकूण 42 लाख 30 हजार रुपये मॅच्युरिटी रक्कम म्हणून मिळेल.

जर तुम्ही या योजनेत 5 वर्षांसाठी 15 लाख रुपये जमा केले तर सध्याच्या 8.2 टक्के व्याजदरानुसार तुम्हाला 5 वर्षात केवळ व्याजातून 6 लाख 15 हजार रुपये मिळतील.

व्याजाची तिमाही आधारावर गणना केल्यास, दर तीन महिन्यांनी 30,750 रुपये व्याज मिळेल.

अशा प्रकारे 15 लाख रुपये आणि व्याजाची रक्कम जोडून एकूण 21 लाख 15 हजार रुपये मॅच्युरिटी रक्कम म्हणून प्राप्त होतील.

ज्येष्ठ नागरिक बचत योजनेअंतर्गत, 60 वर्षे किंवा त्याहून अधिक वयाची कोणतीही व्यक्ती या योजनेचा लाभ घेऊ शकते.

टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही.