जर तुम्ही घर खरेदी करण्याचं स्वप्न पाहत असाल तर तुमच्यासाठी खूशखबर आहे. येत्या काळात गृहकर्ज आणखी स्वस्त होण्याची शक्यता आहे.

भारतीय रिझर्व्ह बँक रेपो रेटमध्ये पुन्हा एकदा कपात करु शकते. डिसेंबरमधील पतधोरणविषयक बैठकीत रेपो रेट 25 बेसिस पॉईंटनं कमी होऊ शकतो.

या कपातीनंतर वर्षाच्या शेवटी रेपो रेट 5.25 टक्के होण्याची शक्यता आहे. अलीकडच्या काळात महागाई घटली आहे.

आरबीआय पुढील दोन पतधोरण समितीच्या बैठकीत रेपो रेटमध्ये कोणताही बदल करणार नाही, असा अंदाज वर्तवण्यात आला आहे.

HSBC ग्लोबल रिसर्चच्या रिपोर्टनुसार, ऑगस्ट आणि ऑक्टोबर महिन्यातील बैठकीत रेपो रेटमध्ये कोणताही बदल होणार नाही.

डिसेंबरच्या पतधोरण समितीच्या बैठकीत 25 बेसिस पॉईंटनं कपात केली जाऊ शकते. 2025 च्या अखेरपर्यंत रेपो रेट 5.25% होण्याची शक्यता आहे.

जून महिन्यात महागाईचा दर कमी झाला आहे. मे महिन्यात तो 2.8% होता तर जूनमध्ये तो 2.1% झाला आहे.

ही महागाईतील घट अन्नपदार्थांच्या किंमती कमी झाल्यामुळे झाली आहे. आणखी घसरण होण्याची शक्यता आहे.

रिपोर्टनुसार 2025 च्या दुसऱ्या तिमाहीत सरासरी महागाई दर 2.7% असू शकतो. आरबीआयचा अंदाज मात्र 2.9% आहे.

आरबीआयचे गव्हर्नर संजय म्हलोत्रा यांनी सीएनबीसी टीव्ही 18 ला दिलेल्या मुलाखतीत रेपो रेट संदर्भात आपली भूमिका स्पष्ट केली.

त्यांनी सांगितलं की, कमी होणारी महागाई आणि विकासातील मंदी हे रेपो रेट कपातीमागे असलेले मुख्य घटक आहेत.

आरबीआयनं फेब्रुवारी 2025 मध्ये पहिल्यांदा 0.25% बेसिस पॉईंटची कपात केली होती. यामुळे रेपो रेट 6.00% झाला होता.

यानंतर जूनमध्ये 50 बेसिस पॉईंटची कपात करत आरबीआयनं रेपो रेट 5.50% केला. आता डिसेंबरमध्ये 5.25% होण्याची शक्यता आहे.