बॉलिवूड स्टार्स तिची स्तुती करायला घाबरतात, असे एकदा बॉलिवूड अभिनेत्री कंगना रनौत म्हणाली होती.

पण, आता बॉलिवूडचा ‘दबंग’ सलमान खान याने कंगनाचा आगामी चित्रपट ‘धाकड’च्या ट्रेलरचे कौतुक केले आहे.

सलमान खानने कंगना रनौतच्या 'धाकड' चित्रपटाचा दुसरा ट्रेलर शेअर केला असून, कंगनाला टॅग करत 'धाकड'च्या टीमचे अभिनंदन केले आहे.

या ट्रेलरमध्ये कंगनाचे जबरदस्त अॅक्शन सीक्वेन्स आहेत. चाहते आधीच म्हणत आहेत की, या चित्रपटाची झलक हॉलिवूडच्या चित्रपटांशी मिळती जुळती आहे.

कंगनाच्या चित्रपटाचे चाहते कौतुक करत असतानाच, यावेळी बॉलिवूडच्या दबंग खाननेही तिच्या चित्रपटाचा ट्रेलर सोशल मीडियावर शेअर केला आहे.

या पोस्टमध्ये सलमानने कंगना रनौत, अर्जुन रामपाल आणि निर्माता सोहेल मकलाई यांना टॅग केले आहे. सलमानच्या या पोस्टवर अनेकांनी आनंद व्यक्त केला आहे.

सलमान खानच्या या पोस्टनंतर कंगना रनौतनेही सोशल मीडियावर पोस्ट करून त्याचे आभार मानले आहेत.

सलमानने कंगनाला देखील या शुभेच्छांच्या पोस्टमध्ये टॅग केले आहे.

कंगनाने इंस्टा स्टोरीवर लिहिले- 'धन्यवाद माझा दबंग हिरो, तुझे हृदय सोन्यासारखे आहे. आता मी या इंडस्ट्रीत एकटी आहे, असे कधीच म्हणणार नाही. संपूर्ण धाकड टीमच्या वतीने धन्यवाद.’