15 ऑगस्ट हा दिवस भारताचा स्वातंत्र्यदिन म्हणून साजरा केला जातो.

स्वातंत्र्यदिनानिमित्त लोकांमध्ये तिरंग्यासोबत फोटो काढण्याची क्रेझ असते.

मात्र जर तुम्हाला कायदेशीर अडचणीत पडायचे नसेल, तर तिरंग्याशी संबंधित नियम, कायदे लक्षात ठेवणे आवश्यक आहे.

भारतीय राष्ट्रध्वज फडकवणे/वापरणे/प्रदर्शन करणे राष्ट्रीय सन्मानाचा अपमान प्रतिबंधक कायदा, 1971 आणि भारतीय ध्वज संहिता, 2002 द्वारे शासित आहे.

यानुसार कोणत्याही सार्वजनिक/खाजगी संस्था किंवा शैक्षणिक संस्थेचा कोणताही सदस्य कोणत्याही दिवशी आणि कोणत्याही प्रसंगी राष्ट्रध्वज फडकावू शकतो.

भारतीय ध्वज संहितेच्या कलम 2.2 नुसार कोणताही सामान्य नागरिक आपल्या घरी राष्ट्रध्वज फडकावू शकतो.

जेव्हा जेव्हा राष्ट्रध्वज प्रदर्शित केला जातो, तेव्हा तो आदराच्या स्थितीत आणि व्यवस्थित ठेवला पाहिजे.

ज्या वेळी राष्ट्रध्वज फडकवला जाईल, तेव्हा त्याचा पूर्ण सन्मान केला पाहिजे.

नियमांनुसार राष्ट्रध्वज कोणत्याही वस्तूंचे वितरण करण्यासाठी वापरता येत नाही.

राष्ट्रध्वजाशी संबंधित नियमांचे उल्लंघन केल्यास 3 वर्षांपर्यंतची शिक्षा, दंड किंवा दोन्ही होऊ शकतात.