बॉलिवूडमधील प्रसिद्ध अभिनेत्री आलिया भटची प्रमुख भूमिका असलेला गंगूबाई काठियावाडी हा चित्रपट सध्या चर्चेत आहे.

25 फेब्रुवारी रोजी गंगूबाई काठियावाडी हा चित्रपट प्रदर्शित होणार आहे.

जेव्हा या चित्रपटाची स्क्रिप्ट आलियानं पाहिल्यांदा ऐकली होती तेव्हा ती घाबली होती, असं तिनं नुकत्याच एका मुलाखतीमध्ये सांगितलं आहे.

एका मुलाखतीमध्ये आलियानं सांगितलं की, 'जेव्हा गंगूबाई काठियावाडी या चित्रपटाची ऑफर मला आली तेव्हा मी हे करू शकते की नाही, अशी माझ्या मनामध्ये शंका निर्माण झाली.'

'मी पहिल्यांदा जेव्हा या चित्रपटाची स्क्रिप्ट ऐकली तेव्हा मी घबरले होते. मी माफिया क्विन ऑफ मुंबई हे पुस्तक देखील वाचलं नव्हतं तसेच मला गंगूबाई यांच्याबद्दल काहीच माहित नव्हत.', असही तिनं सांगितलं.

'मी अशा प्रकारच्या चित्रपटाबद्दल विचार देखील केला नव्हता. ', असं आलिया म्हणाली.

पुढे आलियानं सांगितलं, 'मी गंगूबाई यांच्या दुनियेमध्ये दोन वर्ष राहिले.'

'शूटिंग संपल्यानंतर मी संजय लिला भन्साळी यांच्या ऑफिसमध्ये जात होते आणि चित्रपटातील काही सिन पाहात होते. ' , असं आलियानं सांगितलं

गंगूबाई काठियावाडी या चित्रपटामध्ये आलियासोबतच अजय देवगन आणि विजय राज या कलाकारांनी प्रमुख भूमिका साकारली आहे.