अभिनेत्री आलिया भट्ट आणि अभिनेता रणवीर सिंह यांचा 'रॉकी और रानी की प्रेम कहानी' हा चित्रपट लवकरच प्रेक्षकांच्या भेटीस येणार आहे.

'रॉकी और रानी की प्रेम कहानी' या चित्रपटामधील 'तुम क्या मिले' (Tum Kya Mile) हे गाणं काही दिवसांपूर्वी प्रेक्षकांच्या भेटीस आलं.

नुकतेच करण जोहरनं आलिया आणि रणवीरनं 'रॉकी और रानी की प्रेम कहानी' या चित्रपटाच्या लूक टेस्टसाठी काढलेले फोटो शेअर केले आहेत.

आलिया आणि रणवीरचा हा फोटो शेअर करुन करणनं कॅप्शनमध्ये लिहिलं, 'आमच्या चित्रपटाची पहिली लूक टेस्ट, जेव्हा आम्ही रॉकी आणि राणीला शोधत होतो.'

करणनं शेअर केलेल्या फोटोमधील आलिया आणि रणवीच्या केमिस्ट्रीनं अनेकांचे लक्ष वेधले आहे.

आलिया आणि रणवीरचे आणखी काही फोटो शेअर करुन करणनं कॅप्शनमध्ये लिहिलं, 'रॉकी आणि राणीचे आणखी काही फोटो, ट्रेलर लवकरच तुमच्या भेटीस येणार आहे. '

'रॉकी और रानी की प्रेम कहानी' हा चित्रपट 28 जुलै 2023 रोजी प्रेक्षकांच्या भेटीस येत आहे.

'रॉकी और रानी की प्रेम कहानी' या चित्रपटात आलिया आणि रणवीर यांच्यासोबतच जया बच्चन, धर्मेंद्र, क्षिती जोग, शबाना आझमी हे कलाकार देखील प्रमुख भूमिका साकारणार आहेत.

प्रेक्षक या चित्रपटाची उत्सुकतेने वाट बघत आहेत.

'रॉकी और रानी की प्रेम कहानी' या चित्रपटात रंधवा आणि चॅटर्जी या दोन कुटुंबाची गोष्ट दाखवण्यात येणार आहे.