आजपासून आशियातील सर्वात मोठ्या एअर शोला (Air Show) सुरुवात झाली आहे.

यामध्ये भारतीय सैन्याच्या हवाई दलाकडून उत्तम हवाई कसरतींचं दर्शन पाहायला मिळणार आहे

पंतप्रधान नरेंद्र मोदी आज Aero India 2023 कार्यक्रमाचं उद्घाटन पार पडलं आहे. एअरो इंडिया 2023 मध्ये जगाला भारताची ताकद दिसणार आहे.

हा एअर शो 13 ते 17 फेब्रुवारी दरम्यान पार पडणार आहे. कर्नाटकच्या बंगळुरूमधील येलहंका एअर फोर्स स्टेशनमध्ये एअरो इंडिया 2023 कार्यक्रम होत आहे.

यामध्ये भारतीय हवाई दलाची वेगवेगळी प्रात्यक्षिकं पाहायला मिळणार आहेत.

हवाई दलात नव्याने सामील करण्यात आलेलं तेजस लढाऊ विमान यातील मुख्य आकर्षण असणार आहे.

भारत लष्करी विमाने, हेलिकॉप्टर, संरक्षण उपकरणे आणि आधुनिक युगातील एव्हीओनिक्स म्हणजेच हवाई क्षेत्रातील निर्मितीसाठी एक प्रमुख केंद्र म्हणून नावारुपाला येताना दिसत आहे.

या दृष्टीने 'एअरो इंडिया' शो फार महत्त्वाचा आहे. 'एअरो इंडिया' मध्ये जगाला भारताची नवीन ताकद पाहायला मिळणार आहे.

'एअरो इंडिया 2023' (Aero India 2023) ची थीम 'द रनवे टू अ बिलियन अपॉर्च्युनिटीज' आहे.

एअरो इंडिया 2023 मध्ये 80 हून अधिक देशांचा सहभाग दिसेल. सुमारे 30 देशांचे मंत्री, जागतिक आणि भारतीय OEM चे 65 सीईओ या कार्यक्रमात सहभागी होण्याची शक्यता आहे.

या कार्यक्रमात मेक इन इंडियासोबतच देशांतर्गत उद्योगांना प्रोत्साहन मिळेल. या एअर शोच्या माध्यमातून भारत हवाई क्षेत्रात आपली ताकद दाखवणार आहे.