‘जीव माझा गुंतला...’ या मालिकेची सध्या छोट्या पडद्यावर हवा आहे. या मालिकेने प्रेक्षकांच्या मनात घर केले आहे.

सध्या सगळीकडे मंगळागौर साजरी करण्याची तयारी सुरु आहे. यातच मराठी मालिका देखील सामील झाल्या आहेत.

मराठी मालिकांमध्ये देखील सध्या मंगळागौरचा माहोल पाहायला मिळत आहे. ‘जीव माझा गुंतला’ या मालिकेत यंदा अंतराची पहिली मंगळागौर साजरी केली जात आहे.

याच निमित्ताने श्वेता, अंतरा आणि चित्रा सजलेल्या पाहायला मिळाल्या. याच दरम्यान ‘श्वेता’ हे पात्र साकारणारी अभिनेत्री पूर्वा शिंदे हिने तिचे काही सुंदर फोटो शेअर केले आहेत.

‘लागिरं झालं जी’ या मालिकेत जयडीची भूमिका साकारून घराघरांत पोहोचलेली अभिनेत्री म्हणजे पूर्वा शिंदे सोशल मीडियावर बरीच सक्रिय आहे.

तिचे नवनवे फोटो ती चाहत्यांसोबत शेअर करत असते; सध्या तिचं असंच एक फोटोशूट चर्चेत आहे.

या फोटोशूटमध्ये ती पारंपारिक वेशात दिसत आहे. नऊवारी साडी आणि दागिन्यांमध्ये पूर्वा खूप सुंदर दिसत आहे.

तिचं हे सुंदर फोटोशूट सध्या व्हायरल होत आहे. असे अनेक नवनवे लूक ती कायम सोशल मीडियावर शेअर करत असते. (Photo : Purva Shinde/IG)