टीव्ही अभिनेत्री श्वेता तिवारीची लेक पलक तिवारी चित्रपटसृष्टीत पदार्पण करण्यापूर्वीच सतत चर्चेत असते.

वयाच्या अवघ्या 21व्या वर्षी पलक तिवारी सोशल मीडियावर तुफान लोकप्रिय झाली.

हार्डी संधूच्या 'बिजली' गाण्याच्या म्युझिक व्हिडीओमधून पदार्पण करणारी पलक तिवारी अनेकदा पापाराझींच्या कॅमेऱ्यात कैद होत असते.

पलक सोशल मीडियावर खूप सक्रिय असते.

पलक तिवारी अनेकदा तिच्या बोल्ड आणि हॉट स्टाईलने चाहत्यांची मने जिंकते.

पण, आता सोशल मीडियावर काही लोक तिला सडपातळपणावरून ट्रोल करत आहेत.

मात्र, आता पलक तिवारीने यावर मौन तोडत ट्रोल्सना चोख प्रत्युत्तर दिले आहे.

सोशल मीडिया सेन्सेशन पलक तिवारीने अलीकडेच बॉलिवूड बबलशी खास संवाद साधताना, सोशल मीडिया वापरकर्त्यांनी तिला ‘स्किनी’ म्हणत आणि ट्रोल केल्याबद्दल तिची प्रतिक्रिया व्यक्त केली.

पलक तिवारी म्हणाली, 'मला या सर्व गोष्टींची इतकी पर्वा नाही, जितकी लोकांना वाटते की, ती मला असायलाच हवी.

‘कलाकार कसे दिसतात, कसे राहतात याविषयी चर्चा करणाऱ्या लोकांनी आता गप्प बसावे, कारण त्यांच्या मताने कुणालाही काही फरक पडत नाही. हे लोक स्वतःवरच खुश नाहीत.’