Sunil Shelke : Mahayutiसोबत जाण्याला Pawar कुटुंबियांची संमती होती, सुनिल शेळकेंचा गौप्यस्फोट
Download ABP Live App and Watch All Latest Videos
View In AppSunil Shelke on NCP Crisis : "2 जुलै 2023 चा शपथविधी हा अवघ्या काही तासांत झाला नाही. त्याअगोदर दोन अडिच महिने घडामोडी सुरु होत्या. राष्ट्रवादी काँग्रेसला किती मंत्रिपद मिळणार? लोकसभा, विधानसभेच्या किती जागा मिळणार? यावर चर्चा सुरु होती. हे सर्व ठरवलं. त्यानंतर महाविकास आघाडीतून बाहेर पडण्याचा निर्णय झाला. त्यानंतर पवार साहेबांनी राजीनामा दिला. काही मंडळींनी साहेबांना भूमिका बदल्यास भाग पाडलं. सुप्रिया सुळेही घडामोडींमध्ये सहभागी होत्या. रोहित पवारही महायुतीत जाण्यासाठी आग्रही होते. तेच आज अजितदादांना (Ajit Pawar) चुकीचे म्हणत आहेत. पवार कुटुंबियांमध्ये देखील महायुतीमध्ये जाण्याबाबत चर्चा झाली होती. सुप्रियाताईंनी (Supriya Sule) अध्यक्ष व्हायचं, साहेबांनी राजीनामा द्यायचा आणि राष्ट्रवादी काँग्रेस पक्ष महायुतीसोबत जाईल. अजितदादांना (Ajit Pawar) हे सर्व मान्य करण्यास सांगितलं होतं. आता हीच लोक आमच्यात विष पेरत आहेत", असे खळबळजनक आरोप अजित पवारांच्या राष्ट्रवादीचे आमदार सुनील शेळके (Sunil Shelke) यांनी केले आहेत. ते एबीपी माझाशी बोलत होते. बारामती लोकसभेत सात मे ला मतदान होतंय. तत्पूर्वी शेळकेंनी हे खळबळजनक आरोप केल्यानं आश्चर्य व्यक्त केलं जातंय.