मुंबई : प्लास्टिकबंदीमुळे कॅफे मैसूरमधून अंबानींच्या घरी डब्यातून इडली-सांबारचं पार्सल

प्लॅस्टिकबंदीमुळे खवय्यांची मोठी पंचाईत झाल्याचं बघायला मिळतं. मुंबईतील माटुंगा इथलं कॅफे मैसूर इथलं सांबर आणि चटणी खूप प्रसिद्ध आहे. भारतातील सर्वांत श्रीमंत व्यक्ती उद्योगपती मुकेश अंबांनींसाठी दररोज इडली-सांबार-चटणी इथून पार्सल जातं. मात्र प्लॅस्टिकबंदीमुळे आज त्यांच्या घरुन स्टीलचे डबे आल्याचं हॉटेल मालकाने सांगितलं. याचबरोबर बहुतांश जणांना प्लॅस्टिकबंदीमुळे इडली-सांबार पार्सल न घेता रिकाम्या हाती परतावं लागलं. एकूणच सर्वसामांन्य ते श्रीमंतांना या प्लॅस्टिकबंदीचा फटका बसलाय.