Sidhu Moose Wala ची गोळ्या झाडून हत्या, Lawrence Bishnoi गॅंगनं स्वीकारली जबाबदारी : Mansa Punjab

Sidhu Moosewala Murder : पंजाबी गायक-राजकारणी सिद्धू मुसेवाला यांची रविवारी (29 मे) पंजाबमधील मानसा जिल्ह्यातील जवाहर गावाजवळ अज्ञात बंदूकधाऱ्यांनी हत्या केली. पंजाब पोलिसांनी (Punjab Police) दावा केला आहे की, गँगस्टर लॉरेन्स बिश्नोई, गोल्डी ब्रार आणि त्यांचे साथीदार या हत्येत सामील आहेत. आता पंजाब पोलिसांना या हत्येसाठी रचलेल्या कटाबद्दल काही महत्त्वपूर्ण माहिती हाती लागली आहे. पंजाब पोलीस सूत्रांनी दिलेल्या माहितीनुसार सिद्धूला मारण्याची प्लानिंग लॉरेन्स बिश्नोई या गॅंगस्टरने दिल्लीत बसून केली. दिल्लीच्या तिहार जेलमध्ये (Tihar Jail) कैद असलेल्या लॉरेन्स बिश्नोईने जेलमधूनच हा कट काही महिन्यापूर्वीच रचला होता.