Raj Thackeray Sabha Special Report : सेनेच्या बालेकिल्ल्यात राज रणशिंग फुंकणार

राज ठाकरे नव्या वर्षातील पहिली सभा शिवसेना भवनासमोर घेण्याची शक्यता आहे. आगामी महापालिका निवडणुकीच्या पार्श्वभूमीवर दादर-माहीमच्या सात वार्डवर मनसेनं लक्ष केंद्रित केलंय. त्यासाठी शिवसेना भवनसमोर तीन पर्यायी जागांवर सभा घेण्याचा विचार सुरूय. मीनाताई ठाकरे यांच्या पुतळ्यासमोरच्या रस्त्यावर ही सभा घेण्याची चाचपणी मनसेकडून केली जातेय. सभेची तारीख अद्याप निश्चित नसल्याचं मनसेतील सूत्रांनी सांगितलं. दरम्यान, जानेवारीच्या शेवटच्या दहा दिवसांत ही सभा घेण्याची मनसेनं तयारी सुरू केलीय.