Saat Barachya Batmya : 7/12: बाजारात कलिंगडची किंमती 50 रुपये : ABP Majha

 उन्हाळ्यात कलिंगडला मोठी मागणी असते.बाजारात 50 रुपयांना विकलं जाणारं कलिंगड सोलापूर कृषी बाजार समितीमध्ये मात्र अवघ्या 80 पैशांना विकलं गेलं. तीन टन कलिंगडला केवळ 3400 रुपये मिळाल्याने शेतकरी उद्विग्न झाला. करमाळ्यातील बिटरगाव वांगी गावातील रामभाऊ रोडगे या शेतकऱ्याच्या बाबतीत हा प्रकार घडला. 
तीन क्विंटल कलिंगड विक्रीनंतर अवघे 3400 रुपये मिळाले आहेत. हा दर म्हणजे 80 पैसे प्रति किलो दराने आहे. यामुळे पदरमोड तोडणी मजुरी आणि टेम्पो भाड्याचा खर्च भागवायला देखील रामभाऊ रोडगे यांना खिशातून 4560 रुपये भरुन घरी परतावे लागले आहे.
सोलापूर बाजार समितीमध्ये सध्या सुरु असलेली क्रेट पद्धत बंद करुन किलोवर कलिंगडाची खरेदी करण्याची मागणी शेतकरी करीत आहे.