Sudhir Mungantiwar : फडणवीस सरकारला घेरले, कामकाज पत्रिकेवरून सवाल

सुधीर मुनगंटीवार यांनी आज देवेंद्र फडणवीस सरकारवर निशाणा साधला. सभागृहाचे कामकाज सुरू होताच त्यांनी मुख्यमंत्र्यांकडील ऊर्जा खात्यावर प्रश्नचिन्ह उपस्थित केले. सोलर शेतकऱ्यांना लाभ मिळत नसल्याचा आरोप त्यांनी केला. यानंतर मुनगंटीवार यांनी इंग्रजी कामकाज पत्रिकेवर आक्षेप घेतला. मराठी भाषेला अभिजात दर्जा असताना कामकाज पत्रिका इंग्रजीत का, असा सवाल त्यांनी केला. "इंग्रजी हवी असेल तर त्यांना ब्रिटिश संसदेत पाठवा," असे मुनगंटीवार म्हणाले. त्यांनी ९५ पासून इंग्रजीमध्ये कार्यक्रम पत्रिका पाहिली नसल्याचे नमूद केले. मराठी शिकलीच पाहिजे, ती अभिजात भाषा आहे, असे त्यांचे म्हणणे होते. एखाद्याला खूप अडचण असेल तर हिंदीचा पर्याय असावा, असेही त्यांनी सुचवले. हिंदीच्या शक्तीला विरोध ठेवून इंग्रजीच्या शक्तीवर प्रेम दाखवण्यावर त्यांनी आक्षेप घेतला. नियम समितीची बैठक घेऊन इंग्रजी शब्द काढून टाकण्याची विनंती त्यांनी केली. यावर सभागृहात नियम २२ नुसार इंग्रजी आणि मराठी या दोन्ही भाषांमध्ये कामकाज होत असल्याचे सांगण्यात आले. तसेच, नऊ सदस्यांनी इंग्रजीमध्ये कामकाज पत्रिका देण्याची विनंती केल्याचेही स्पष्ट करण्यात आले.