Google Play Store Billing Issue : गुगल प्ले स्टोअरच्या (Google Play Store) बिलिंगचा मुद्दा पुन्हा एकदा तापला आहे. अमेरिकन प्ले स्टोअर कंपनीने बिल न भरणाऱ्या ॲप डेव्हलपर्सवर कारवाई करण्याचा निर्णय घेतला आहे. Google Play Store वरून 10 भारतीय कंपन्यांचे ॲप काढून टाकण्याची प्रक्रिया सुरू करणार आहे. यामध्ये Naukri.com, Shaadi.com, 99 acres.com या लोकप्रिय ॲप्सच्या नावांचा समावेश आहे. सर्च इंजिन कंपनीच्या म्हणण्यानुसार, या ॲप डेव्हलपर्सने त्यांच्या मार्गदर्शक तत्त्वांचे पालन केले नाही, त्यामुळे ही कारवाई करण्यात येत आहे.
Google ने Google Play Store चे पेमेंट पॉलिसी अपडेट केली आहे. या भारतीय कंपन्यांनी प्ले स्टोअरचे सेवा शुल्क भरलेले नाही. मीडिया रिपोर्ट्सनुसार, यामुळे नाराज होऊन गुगल आपल्या प्ले स्टोअरवरून 10 भारतीय ॲप्स काढून टाकत आहे. या कंपन्या Google ला सेवा शुल्क भरण्यात सतत अपयशी ठरल्या आहेत. यामध्ये कोणकोणत्या अॅप्सचा समावेश आहे ते जाणून घेऊयात.
हे ॲप्स Google Play Store वरून काढून टाकले जातील
Google Play Store वरून जे 10 ॲप्स काढून टाकणार आहे त्यात Shaadi.com, Quack Quack, Stage, InfoEdge च्या मालकीचे ॲप्स जसे की, Naukri.com आणि 99 acres.com यांचा समावेश आहे. भारतीय स्टार्टअप आणि गुगल यांच्यात सेवा शुल्काबाबत वाद सुरू आहे. स्टार्टअपचे म्हणणे आहे की गुगलची सेवा शुल्क खूप जास्त आहे.
गुगलच्या उच्च शुल्काचा निषेध
Google Play Store वरून ॲपमधील खरेदी आणि ॲप डाउनलोड करण्यावर 26 टक्के सेवा शुल्क कापते. या गोष्टीला स्टार्टअप कंपन्यांचा विरोध आहे. Google ने आपल्या ब्लॉग पोस्टमध्ये पेमेंट पॉलिसी अंतर्गत ॲप काढून टाकल्याचा उल्लेख केला आहे. तसेच, कंपनीने ब्लॉग पोस्टमध्ये कोणत्याही कंपनीचे नाव दिलेले नाही.
3 वर्षांचा कालावधी दिला
गुगलने एका ब्लॉग पोस्टमध्ये म्हटले आहे की, सर्वोच्च न्यायालयाच्या आदेशानुसार या कंपन्यांना तीन वर्ष आणि तीन आठवड्यांचा कालावधी दिल्यानंतर आम्ही आवश्यक ती पावले उचलली आहेत. यामुळे कंपनीचे धोरण अमलात आणण्यास मदत होईल, असा विश्वास गुगलला आहे. जगाच्या कोणत्याही भागात आमच्या धोरणांचे उल्लंघन झाल्यास आम्ही हेच करतो असंही गुगलने आपल्या ब्लॉगपोस्टमध्ये स्पष्टच म्हटलं आहे.
महत्त्वाच्या बातम्या :