Rohit Sharma : मुंबई इंडियन्सच्या वर्कआऊट सेशनमध्ये रोहित शर्माच्या मुलीची एन्ट्री; पाहा कशी वर्कआऊट करतेय समायरा

Rohit Sharma : आयपीएलच्या या सीझनमध्ये मुंबई इंडियन्सने दोन्ही सामने गमावले आहेत. संघाचा पुढील सामना कोलकाता नाईट रायडर्सशी होणार आहे.

Rohit Sharma

Rohit Sharma : मुंबई इंडियन्सने (Mumbai Indians) त्यांच्या टीमच्या जिम सेशनचा व्हिडिओ सोशल मीडियावर पोस्ट केला आहे. या व्हिडिओमध्ये कॅप्टन रोहित शर्मा (Rohit Sharma) त्याची मुलगी समायराबरोबर दिसत आहे. व्हिडिओमध्ये बाकीचे खेळाडू वर्कआउट करताना दिसत आहेत. कोणी जड वजन उचलताना दिसतोय तर कोणी मसाज करून घेत आहे.    

व्हिडिओमध्ये दिसत आहे की, रोहित जेव्हा आपल्या मुलीसोबत जिममध्ये येतो तेव्हा मुलगी समायराही दोन हात करायला लागते. समायरा तिच्या वडिलांबरोबर वर्कआउट करताना दिसतेय. या व्हिडीओमध्ये 'बेबी एबी' या नावाने प्रसिद्ध असलेला दक्षिण आफ्रिकेचा अंडर-19 खेळाडू डिवाल्ड ब्रेविसही दिसत आहे. यादरम्यान काही खेळाडू मस्ती करत आहेत.

 

 

 

 

 

View this post on Instagram

 

 

 

 

 

 

 

 

 

 

 

A post shared by Mumbai Indians (@mumbaiindians)

 

आयपीएलमध्ये मुंबई इंडियन्सचा पुढील सामना 6 एप्रिल रोजी कोलकाता नाइट रायडर्स (KKR) विरुद्ध आहे. या सीझनमध्ये मुंबईने आतापर्यंत दोन सामने खेळले आहेत. या दोन्हीत संघाचा पराभव झाला आहे. पहिल्या सामन्यात दिल्लीकडून तर दुसऱ्या सामन्यात राजस्थानकडून पराभव पत्करावा लागला होता. मात्र, या दोन सामन्यांमध्ये संघासाठी चांगली गोष्ट म्हणजे तिलक वर्मा हा फ्रँचायझीला नवा स्टार मिळाला आहे. राजस्थानविरुद्धच्या सामन्यात टिळकने 61 धावांची खेळी केली.

महत्वाच्या बातम्या : 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha