RR vs DC, Match Highlights: दिल्लीचा राजस्थानवर दमदार विजय, 8 गडी राखून दिली मात
आयपीएलमध्ये (IPL 2022) आज राजस्थान रॉयल्स आणि दिल्ली कॅपिटल्स हे संघ नवी मुंबईच्या डी.वाय. पाटील मैदानात आमने-सामने उतरणार आहेत.
मिचेल मार्शच्या दमदार खेळीसह वॉर्नरच्या अर्धशतकाने दिल्लीला विजय मिळवून दिला आहे.
89 धावा करुन मिचेल मार्श बाद झाला आहे. चहलने त्याला तंबूत धाडलं आहे.
वॉर्नर आणि मार्श जोडीने शतकी भागिदारी पूर्ण केली आहे. त्यामुळे दिल्ली आता विजयाच्या दिशेने पुढे जात आहे.
मिचेल मार्शने दमदार असं अर्धशतक झळाकावलं आहे. मार्श आणि वॉर्नरने एक दमदार भागिदारी उभारली आहे.
शून्यावर एक विकेट गमावलेल्या दिल्लीचा डाव डेव्हिड वॉर्नर आणि मार्शने सांभाळला असून सात ओव्हरनंतर दिल्लीचा स्कोर आहे 54 वर एक बाद आहे.
दिल्लीचा सलामीवीर केएस भरत शून्य धावांवर बाद झाल्यामुळे दिल्लीने शून्य धावांवर पहिला गडी गमावला आहे. बोल्टने ही विकेट घेतली आहे.
राजस्थानची फलंदाजी आटोपली असून त्यांनी दिल्ली कॅपिटल्सला विजयासाठी 161 धावांचे आव्हान दिले आहे.
राजस्थानचा युवा फलंदाज पडिक्कलचं अर्धशतक थोडक्यात हुकलं असून तो 48 धावा करुन बाद झाला आहे. नॉर्खियानेच त्याला बाद केलं आहे.
चेतन साकरियाने आणखी एक राजस्थानचा गडी रियान परागच्या रुपात बाद केला आहे. पराग 9 धावा करुन बाद झाला आहे.
राजस्थानचा कर्णधार संजू सॅमसन केवळ 6 धावा करुन तंबूत परतला आहे. नॉर्खियाने त्याला बाद केलं आहे.
राजस्थानचा डाव एकहाती सांभाळणारा आर आश्विनही 50 धावा करुन बाद झाला आहे. मिचेल मार्शनेच त्याला बाद केलं आहे.
राजस्थान संघाला आश्विनने सांभाळलं असून पडिक्कलने त्याला साथ दिल्याने राजस्थान संघाने 100 धावांचा टप्पा पार केला आहे.
9व्या षटकाच्या पहिल्या चेंडूवर राजस्थानला दुसरा धक्का बसला आहे. मिचेल मार्शने आपल्या दुसऱ्याच षटकात संघाला यश मिळवून दिले. मार्शने यशस्वी जैस्वालला (19) झेलबाद केले.
राजस्थानचा सलामीवीर जोस बटलर आज स्वस्तात तंबूत परतला आहे. चेतन साकरियाने त्याला 7 धावांवर तंबूत धाडलं आहे.
सामन्यापूर्वी नुकतीच नाणेफेक झाली असून प्रथम गोलंदाजी घेण्याचा निर्णय दिल्ली संघाने घेतला आहे.
ऋषभ पंत (कर्णधार आणि विकेटकीपर), डेव्हिड वॉर्नर, पृथ्वी शॉ, सरफराज खान, ललित यादव, रोवमन पोवेल, अक्षर पटेल, ललित यादव, कुलदीप यादव, मुस्तफिझूर रहमान, शार्दूल ठाकूर.
संजू सॅमसन (कर्णधार, विकेटकिपर), जोस बटलर, देवदत्त पडीक्कल, शिमरॉन हेटमायर, रियान पराग, करुन नायर, रवीचंद्रन आश्विन, ओबेद मॅकॉय, ट्रेन्ट बोल्ट, प्रसिध कृष्णा, युझवेंद्र चहल
आयपीएलमध्ये (IPL 2022) आज राजस्थान रॉयल्स आणि दिल्ली कॅपिटल्स (RR vs DC) या दोन्ही संघात सामना पार पडणार आहे. प्लेऑफमध्ये पोहोचण्यासाठी दोन्ही संघासाठी महत्त्वाचा असणाऱ्या आजच्या सामन्याकडे अनेकांचे लक्ष लागून आहे.
पार्श्वभूमी
RR vs DC, Live Score : आयपीएलमधील(IPL 2022) आजचा 58 वा सामना राजस्थान रॉयल्स आणि दिल्ली कॅपिटल्स (RR vs DC) या दोन संघात पार पडत आहे. नवी मुंबईच्या डी.वाय. पाटील स्टेडियममध्ये पार पडणाऱ्या आजच्या सामन्यात दोन्ही संघामध्ये पुढील फेरीत पोहचण्यासाठी अटीतटीची लढत पाहायला मिळू शकते.
गुणतालिकेत राजस्थानचा संघ गुणतालिकेत तिसऱ्या स्थानी आहे. त्यांनी 11 पैकी 7 सामने जिंकत 14 गुण मिळवले आहेत. त्यांचा रनरेटही चांगला असल्याने ते तिसऱ्या स्थानावर आहेत. तर दिल्लीचा संघ 11 पैकी 5 सामनेच जिंकल्याने 10 गुणांसह पाचव्या स्थानी आहे. राजस्थानचे पुढील फेरीत पोहोचण्याचे चान्सेस अधिक असले तरी दिल्लीचं आव्हान त्यांना अवघड असल्याने आजचा सामना अटीतटीचा होऊ शकतो. त्यात आजचा सामना नवी मुंबईच्या डी.वाय. पाटील मैदानावर होणार आहे. या मैदानावर मागील सामन्यात मुंबईच्या बुमराहने 5 विकेट्स घेत इतिहास रचला. तर त्यानंतर त्या सामन्यातच केकेआरने मुंबईला अवघ्या 113 धावात ऑलआऊट केलं. त्यामुळे याठिकाणी वेगवान गोलंदाजांना मदत मिळत असल्याने सामना चुरशीचा होऊ शकतो.
राजस्थान संभाव्य अंतिम 11 -
संजू सॅमसन (कर्णधार, विकेटकिपर), जोस बटलर, देवदत्त पडीक्कल, शिमरॉन हेटमायर, रियान पराग, करुन नायर, रवीचंद्रन आश्विन, ओबेद मॅकॉय, ट्रेन्ट बोल्ट, प्रसिध कृष्णा, युझवेंद्र चहल
दिल्ली संभाव्य अंतिम 11 -
ऋषभ पंत (कर्णधार आणि विकेटकीपर), डेव्हिड वॉर्नर, पृथ्वी शॉ, सरफराज खान, ललित यादव, रोवमन पोवेल, अक्षर पटेल, ललित यादव, कुलदीप यादव, मुस्तफिझूर रहमान, शार्दूल ठाकूर.
हे देखील वाचा-
- LSG vs GT: आयपीएलच्या कारकिर्दीत पहिल्यांदाच क्रुणाल पांड्या असा झालाय आऊट
- IPL 2022: 'मुंबईत आलो तेव्हा माझ्याकडं कपडे नव्हते, टॉवेलवर दोन-तीन दिवस काढले' रोव्हमन पॉवेलनं ऐकवला तो किस्सा
- LSG vs GT: लखनौच्या लाजिरवाण्या पराभवानंतर गौतम गंभीर खेळाडूंवर भडकला, म्हणाला...
- - - - - - - - - Advertisement - - - - - - - - -