Mayank Agarwal: आयपीएल संघ पंजाब किंग्जनं मयांक अगरवाल (Mayank Agarwal)  याला कर्णधार म्हणून नियुक्त केलं आहे. मागील IPL सीजनमध्ये कर्णधार असलेला केएल राहुल (KL Rahul) आता नव्याकोऱ्या लखनौ संघाचा कर्णधार असल्याने ही जबाबदारी कोणाकडे जाणार याची उत्सुकता होती. पंजाबच्या संघानं आयपीएलच्या मेगा ऑक्शनमध्ये शिखर धवनला (Shikhar Dhawan) विकत घेतलं होतं. त्यामुळे धवन कर्णधार होईल असं वाटत होतं. पण मयांककडे हे पद सोपवण्यात आलं आहे. तर मयांकला हे पद देण्यामागील काही खास कारण आम्ही तुम्हाला सांगणार आहोत.



  1. मयांक मागील काही सीजन पंजाबमध्ये असल्याने टीम मॅनेजमेंट आणि संघाशी त्याचं जवळचं नातं असल्याने संघातील अनुभवाचा त्याला फायदा झाला.

  2. आयपीएलसह त्याने आंतरराष्ट्रीय सामनेही खेळले असल्याने त्याला ही जबाबदारी दिली आहे.

  3. आयपीएलमध्ये मयांकने काही रेकॉर्ड देखील केले असून त्याला संघात घेण्यामागे हे एक मोठे कारण आहे.

  4. मयांकने मागील तीन आयपीएल सीजनमध्ये कमाल रेकॉर्ड केलं आहे. 2019 मध्ये 332, 2020 एक शतक आणि दोन अर्धशतकासह 424 रन तर 2021 मध्ये 4 अर्धशतकांच्या जोरावर 441 रन केले आहेत.

  5. या सर्व महत्त्वाच्या कारणांसह सद्यस्थितीला संघातील एक महत्त्वाचा आणि विश्वासू फलंदाज मयांक असल्यानेच त्याच्याकडे हे पद दिलं आहे.


पंजाब किंग्जचा संघ:


मयांक अगरवाल (कर्णधार), लियाम लिव्हिंगस्टोन, संदीप शर्मा, बलतेज सिंह, कागिसो रबाडा, आर. चॅटर्जी, शाहरुख खान, जितेश शर्मा, ओडियन स्मिथ, नॅथन एलिस, प्रेरक मंकड, इशान पोरेल, राहुल चहर, अथर्व तायडे, अर्शदीप सिंह, प्रभसिमरन सिंह, हरप्रीत ब्रार, वैभव अरोरा, अंश पटेल, राज अंगद बावा, बेनी हॉवेल, शिखर धवन, ऋषी धवन, जॉनी बेअरस्टो, भानुका राजपक्षे.


हे देखील वाचा- 



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha