DC vs RR, Toss Update : दिल्लीनं जिंकली नाणेफेक, गोलंदाजीसाठी मैदानात उतरणार; पाहा आजची अंतिम 11

आज आयपीएलमध्ये(IPL 2022) दिल्ली कॅपिटल्स आणि राजस्थान रॉयल्स आमने-सामने असणार असून दोन्ही संघानी एकही बदल केलेला नाही.

Delhi Capitals vs Rajsthan Royals

DC vs RR : आयपीएल 2022 (IPL 2022) मधील आजचा 34 वा सामना आहे. या सामन्यात दिल्ली कॅपिटल्स आणि राजस्थान रॉयल्स (DC vs RR) हे दोन्ही संघ मैदानात उतरले असून दिल्लीने नाणेफेक जिंकली आहे. दिल्लीने नाणेफेक जिंकत प्रथम गोलंदाजी करण्याचा निर्णय घेतला आहे. त्यामुळे आता राजस्थानचे खेळाडू आधी फलंदाजी करण्यासाठी मैदानात उतरणार आहेत. दोन्ही संघानी एकही बदल केलेला नाही.

मुंबईच्या प्रसिद्ध अशा वानखेडे मैदानात पार पडणाऱ्या आजच्या सामन्यात आमने-सामने असणाऱ्या दिल्ली आणि राजस्थान (DC vs RR) संघाची यंदाची कामगिरी जवळपास समान आहे. दिल्लीने 6 सामने खेळत 3 सामने जिंकून तीन गमावले आहेत. तर राजस्थानने 6 सामने खेळत 4 सामने जिंकले असून 2 गमावले आहेत. आयपीएलमधील (IPL 2022) आजच्या या सामन्यात दोन्ही संघांनी एकही बदल केला नसला तरी नेमके कोणते खेळाडू खेळणार आहेत यावर एक नजर फिरवूया...

दिल्ली अंतिम 11

ऋषभ पंत (कॅप्टन), डेव्हिड वॉर्नर, पृथ्वी शॉ, सरफराज खान, ललित यादव, रोवमन पोवेल, अक्षर पटेल, शार्दुल ठाकूर, कुलदीप यादव, मुस्तफिझूर रहमान, शार्दूल ठाकूर. 

राजस्थान अंतिम 11  

संजू सॅमसन (कर्णधार, विकेटकिपर), जोस बटलर, देवदत्त पडीक्कल, शिमरॉन हेटमायर, रियान पराग, करुन नायर, रवीचंद्रन आश्विन, ओबेद मॅकॉय, ट्रेन्ट बोल्ट, प्रसिध कृष्णा, युझवेंद्र चहल