GT vs PBKS IPL 2025 : गुजरातच्या बालेकिल्ल्यात पंजाब किंग्जचा बोलबाला! रोमांचक सामन्यात श्रेयस अय्यरच्या संघाचा 11धावांनी विजय
GT vs PBKS Match Updates IPL 2025 : आयपीएल 2025 चा पाचवा सामना गुजरात टायटन्स आणि पंजाब किंग्ज यांच्यात अहमदाबादमधील नरेंद्र मोदी स्टेडियमवर खेळला जात आहे.
आयपीएल 2025च्या पाचव्या सामन्यात पंजाब किंग्जने गुजरात टायटन्सचा 11 धावांनी पराभव केला. एकेकाळी असे वाटत होते की गुजरातचा संघ 244 धावांचे लक्ष्य सहज गाठेल, पण शेवटी पंजाब किंग्जने हा सामना जिंकला, ज्यामध्ये विजयकुमार वैशकने मोलाचा वाटा उचलला. विजयकुमार वैशकने 15व्या आणि 17व्या षटकात प्रत्येकी पाच धावा दिल्या आणि आवश्यक धावगती 13 वरून 17 पर्यंत नेली. पंजाब किंग्जने प्रथम खेळल्यानंतर 243 धावा केल्या. प्रत्युत्तरात गुजरात संघाला फक्त 232 धावा करता आल्या. गुजरातकडून साई सुदर्शनने 74, जोस बटलरने 54 आणि शर्फान रुदरफोर्डने 46 धावा केल्या.
अर्शदीप सिंगने साई सुदर्शनला आऊट करून गुजरातला दुसरा धक्का दिला आहे. त्याने तो 41 चेंडूत 74 धावा करून बाद झाला. 13 षटकांनंतर धावसंख्या 152/2 आहे.
साई सुदर्शनने 31 चेंडूत आपले अर्धशतक पूर्ण केले आहे.
गुजरातला पहिला धक्का ग्लेन मॅक्सवेलने दिला. त्याने पॉवरप्लेच्या शेवटच्या षटकात कर्णधार शुभमन गिलला आऊट केले. तो 14 चेंडूत 33 धावा करून बाद झाला. जोस बटलर तिसऱ्या क्रमांकावर फलंदाजीसाठी आला आहे. सहा षटकांनंतर धावसंख्या 61/1 आहे.
श्रेयस अय्यर आणि शशांक सिंग यांच्यातील 81* धावांच्या भागीदारीमुळे पंजाब किंग्जने गुजरात टायटन्ससमोर 244 धावांचे लक्ष्य ठेवले. अहमदाबादमधील नरेंद्र मोदी स्टेडियमवर खेळल्या जाणाऱ्या या सामन्यात पंजाबने नाणेफेक गमावून प्रथम फलंदाजी करत 20 षटकांत पाच गडी गमावून 243 धावा केल्या. आयपीएलमधील पंजाबची ही दुसरी सर्वोच्च धावसंख्या आहे. गेल्या हंगामात पंजाबने केकेआरविरुद्ध 262/2 धावा केल्या होत्या.
18 षटकांत पंजाब किंग्जचा स्कोअर 5 बाद 210 धावा झाल्या आहेत. कर्णधार श्रेयस अय्यर 3 चेंडूत 91 धावांवर खेळत आहे. त्याने 4 चौकार आणि 9 षटकार मारले आहेत. शशांक सिंग 7 चेंडूत 20 धावांवर खेळत आहे.
पंजाब किंग्जने 16 व्या षटकात 162 धावांवर पाचवी विकेट गमावली. 15 चेंडूत 20 धावा करून मार्कस स्टोइनिस आऊट झाला. त्याच्या बॅटमधून एक चौकार आणि दोन षटकार आले.
15 षटकांनंतर पंजाब किंग्जचा स्कोअर 4 बाद 156 धावा आहे. पंजाब किंग्जने मोहम्मद सिराजच्या षटकात 17 धावा केल्या. श्रेयस अय्यर 30 चेंडूत 64 धावांवर खेळत आहे. त्याने 3 चौकार आणि 6 षटकार मारले आहेत. मार्कस स्टोइनिस 13 चेंडूत एका चौकार आणि एका षटकारासह 14 धावांवर खेळत आहे.
कर्णधार श्रेयस अय्यरने 27 चेंडूत अर्धशतक झळकावले. तो आता 28 चेंडूत 57 धावांवर खेळत आहे. अय्यरने रशीद खानच्या चेंडूवर सलग दोन षटकार मारले. पंजाब किंग्जचा स्कोअर 14 षटकांत 4 बाद 139 धावा आहे.
11 व्या षटकात फिरकी गोलंदाज साई किशोरने गुजरात टायटन्सला परत आणले. त्याने दोन चेंडूत दोन मोठ्या विकेट्स घेतल्या. त्याआधी, अझमतुल्लाह उमरझाई 16 धावा करून आऊट झाला. त्यानंतर ग्लेन मॅक्सवेल शून्यावर पॅव्हेलियनमध्ये परतला.
राशिद खानने पंजाब किंग्जला दुसरा धक्का दिला आहे. त्याने उत्तम फॉर्ममध्ये असलेल्या प्रियांश आर्यला आऊट केले. या सामन्याद्वारे आयपीएलमध्ये पदार्पण करणारा 24 वर्षीय फलंदाज 47 धावांची शानदार खेळी खेळल्यानंतर आऊट झाला. त्याने श्रेयस अय्यरसोबत दुसऱ्या विकेटसाठी 51 धावांची भागीदारी केली. .
श्रेयस अय्यर आणि प्रियांश आर्य उत्तम फॉर्ममध्ये दिसत आहेत. दोघांमध्ये 40+ धावांची भागीदारी झाली आहे. पहिल्या सहा षटकांनंतर धावसंख्या 73/1 आहे.
पंजाबला डावाच्या चौथ्या षटकात कागिसो रबाडाने पहिला धक्का दिला. त्याने प्रभसिमरन सिंगला आऊट केले. तो पाच धावा करून बाद झाला. श्रेयस अय्यर तिसऱ्या क्रमांकावर फलंदाजीसाठी आला आहे.
शुभमन गिल (कर्णधार), जोस बटलर (यष्टीरक्षक), साई सुदर्शन, शाहरुख खान, राहुल तेवतिया, आर साई किशोर, अर्शद खान, रशीद खान, कागिसो रबाडा, मोहम्मद सिराज, प्रसिद्ध कृष्णा.
प्रभसिमरन सिंग (यष्टीरक्षक), प्रियांश आर्य, श्रेयस अय्यर (कर्णधार), शशांक सिंग, मार्कस स्टोइनिस, ग्लेन मॅक्सवेल, सूर्यांश शेडगे, अझमतुल्ला उमरझाई, मार्को जानसेन, अर्शदीप सिंग, युजवेंद्र चहल.
गुजरात टायटन्सने नाणेफेक जिंकून प्रथम गोलंदाजी करण्याचा निर्णय घेतला. 2022 च्या विजेत्या संघाचा कर्णधार शुभमन गिल म्हणाला की, या सामन्यात प्लेइंग-11 मध्ये चार वेगवान गोलंदाज आणि दोन फिरकीपटूंचा समावेश करण्यात आला आहे.
पार्श्वभूमी
Gujarat Titans vs Punjab Kings Update IPL 2025 : आयपीएल 2025 या हंगामात पंजाब किंग्ज संघ पूर्णपणे नवीन रंगात रंगला आहे. नवीन कर्णधार श्रेयस अय्यरच्या नेतृत्वाखाली पंजाब किंग्ज संघाने गुजरातच्या बालेकिल्ल्यात जाऊन त्याचा पराभव केला. गुजरात टायटन्सचा कर्णधार शुभमन गिलने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करण्यासाठी आलेल्या पंजाब किंग्जला सलामीवीर प्रियांश आर्यच्या मदतीने चांगली सुरुवात केली. त्याच्यानंतर श्रेयस अय्यरचा तांडव पाहिला मिळाला. तो शेवटपर्यंत खेळत राहिला. ग्लेन मॅक्सवेल, अझमतुल्ला उमरझाई सारखे मधल्या फळीतील फलंदाज काही खास कामगिरी करू शकले नाहीत. पण, शशांक सिंगनेही शेवटच्या षटकांमध्ये स्फोटक फलंदाजी केली. तो 16 चेंडूत 44 धावा करून नाबाद राहिला. त्याच्या या खेळीत त्याने 6 चौकार आणि 2 षटकार मारले. 20 षटके फलंदाजी केल्यानंतर पंजाब किंग्जच्या संघाला 5 गडी गमावून 243 धावा करता आल्या. प्रत्युत्तरात गुजरात संघाला फक्त 232 धावा करता आल्या. गुजरातकडून साई सुदर्शनने 74, जोस बटलरने 54 आणि शर्फान रुदरफोर्डने 46 धावा केल्या.
- - - - - - - - - Advertisement - - - - - - - - -
TRENDING NOW
