IPL 2023 RR vs GT : राजस्थानचा कर्णधार संजू सॅमसन याने घरच्या मैदानावर नाणेफेकीचा कौल जिंकला. संजू सॅमसन याने नाणेफेक जिंकून प्रथम फलंदाजी करण्याचा निर्णय घेतला. जयपूरच्या सवाई मानसिंग स्टेडिअमवर (Sawai Mansingh Indoor Stadium) हार्दिक पांड्याचा संघ प्रथम गोलंदाजीसाठी मैदानात उतरत आहे.
खेळपट्टी फिरकीला मदत करेल असा अंदाज आहे. त्यामुळेच संजू सॅमसन याने जोस हेजलवूड याच्या जागी ऑस्ट्रेलियाच्या अॅडम झम्पा याला संघात स्थान दिलेय. गुजरातच्याही संघात दोन अफगाणी फिरकी गोलंदाज आहे. त्यांच्या मदतीला राहुल तेवातियाही आहे. पाहूयात दोन्ही संघाची प्लेईंग 11
RR Playing 11 : राजस्थान रॉयल्सचे 11 शिलेदार -
यशस्वी जयस्वाल, देवदत्त पडिक्कल, शिमरॉन हिटमायर, रविचंद्रन अश्विन, जोस बटलर, संजू सॅमसन (कर्णधार आणि विकेटकीपर), ध्रुव जुरेल, ट्रेंट बोल्ट, युझवेंद्र चहल, संदीप शर्मा, अॅडम झम्पा
GT Playing 11 : गुजरात टायटन्सचे अंतिम 11 खेळाडू कोणते
हार्दिक पांड्या (कर्णधार), अभिनव मनोहर, डेव्हिड मिलर, विजय शंकर, राहुल तेवतिया, रिद्धिमान साहा (विकेटकीपर), राशिद खान, मोहम्मद शमी, मोहित शर्मा, नूर अहमद, जोशवा लिटल
IPL 2023 RR vs GT Match 48 : राजस्थान आणि गुजरात आमने-सामने
गजविजेता गुजरात टायटन्स आणि राजस्थान रॉयल्स यांच्यातील ही लढत पार रंजक ठरणार आहे. दोन्ही संघ यंदाच्या आयपीएलमध्ये दमदार कामगिरी करताना दिसत आहे. दोन्ही संघ गुणतालिकेत टॉप 4 मध्ये पाय रोखून आहेत. सध्या गुजरात संघ पॉईंट्स टेबलसध्ये पहिल्या स्थानावर तर, राजस्थान चौथ्या क्रमांकावर आहे. दोन्ही संघांना मागील सामन्यात पराभवाला सामोरं जावं लागलं होतं. गुजरात संघाला मागील सामन्यात दिल्ली कॅपिटल्सकडून पराभवाचा सामना करावा लागला होता. दुसरीकडे मागील सामन्यात राजस्थान संघाला मुंबई इंडियन्सने मात दिली होती. आज गुजरात आणि राजस्थान पराभवाचा बदला घेऊन विजयी मार्गावर परतण्याचा प्रयत्न करतील.
RR vs GT Head to Head : हेड टू हेड आकडेवारी पाहा
इंडियन प्रीमियर लीग (Indian Premier League) मध्ये राजस्थान रॉयल्स (Rajasthan Royals) आणि गुजरात टायटन्स (Gujrat Titans) या दोन संघात आतापर्यंत 4 सामने खेळवण्यात आले आहेत. यामध्ये गुजरात संघाचं पारड जड आहे. गुजरात संघाने चार पैकी तीन सामने जिंकले आहेत. तर, राजस्थान संघाला फक्त एकच सामना जिंकता आला आहे. दोन्ही संघांची सरासरी धावसंख्या 180 आहे.