IPL 2023 GT vs DC : दिल्लीने कॅपिटल्स (Delhi Capitals) संघाने नाणेफेक जिंकून पहिल्यांदा फलंदाजीचा निर्णय घेतला आहे. त्यामुळे गुजरात टायटन्स (Gujrat Titans) संघ गोलंदाजीसाठी उतरेल. आयपीएल 2023 मधील 44 वा सामना आज गतविजेता गुजरात टायटन्स आणि दिल्ली कॅपिटल्स संघात रंगणार आहे. अहमदाबादच्या नरेंद्र मोदी स्टेडिअमवर या दोन संघांचा रणसंग्राम पाहायला मिळणार आहे. आयपीएल 2023 च्या गुणतालिकेतील पहिल्या क्रमांकाचा संघ आणि शेवटच्या दहाव्या क्रमांकाचा संघ यांच्यात रोमांचक लढत पाहायला मिळणार आहे.
IPL 2023 GT vs DC : गुजरात टायटन्स आणि दिल्ली कॅपिटल्स आमने-सामने
दुसरीकडे, आयपीएल 2023 च्या सुरुवातीला पाच सामने गमावल्यानंतर दिल्ली कॅपिटल्सची यंदाच्या हंगामाची सुरुवात खराब झाली. संघ दोन विजयांसह लीगमध्ये पुन्हा परतला, पण दिल्लीला त्यांच्या मागील सामन्यात सनरायझर्स हैदराबादकडून पुन्हा एकदा पराभव पत्करावा लागला. दिल्ली संघाने आतापर्यंत 8 सामन्यांपैकी फक्त 2 सामन्यांत विजय मिळवला असून संघ गुणतालिकेत सर्वात शेवटी आहे. दिल्ली कॅपिटल्स संघ चार गुणांसह दहाव्या स्थानावर आहे.
GT vs DC Head to Head : हेड टू हेड आकडेवारी पाहा
इंडियन प्रीमियर लीग (Indian Premier League) मध्ये गुजरात टायटन्स (GT) आणि दिल्ली कॅपिटल्स (DC) या दोन संघांमध्ये आतापर्यंत दोन सामने खेळवण्यात आले आहेत. यामध्ये गुजरात संघाचं पारड जड असल्याचं पाहायला मिळतं. गुजरात संघाने दिल्लीविरोधातील दोन्ही सामने जिंकले आहेत तर दिल्ली संघाला एकही सामना जिंकण्यात यश मिळालेलं नाही.
दोन्ही संघांची प्लेईंग 11
GT Playing 11 : गुजरात टायटन्स
रिद्धीमन साहा (विकेटकीपर), अभिनव मनोहर, हार्दिक पांड्या (कर्णधार), विजय शंकर, डेव्हिड मिलर, आर तेवतिया, राशिद खान, नूर अहमद, मोहम्मद शमी, मोहित शर्मा, जोशुआ लिटिल.
DC Playing 11 : दिल्ली कॅपिटल्स
डेव्हिड वॉर्नर (कर्णधार), फिल सॉल्ट (विकेटकीपर), मनीष पांडे, रिले रुसो, प्रियम गर्ग, रिपल पटेल, अक्षर पटेल, अमन खान, कुलदीप यादव, एनरीच नॉर्टजे, इशांत शर्मा.
IPL 2023 Live Streaming : लाईव्ह सामना कुठे पाहाल?
आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
महत्त्वाच्या इतर बातम्या :
IPL 2023 : कोहलीची माफी मागण्यास नवीन-उल-हकचा नकार? कर्णधार केएल राहुलला टाळलं; नक्की चूक कुणाची?