Mumbai Indians vs Chennai Super Kings : आयपीएल 2023 (IPL 2023) मुंबई इंडियन्स (MI) आणि चेन्नई सुपर किंग्स (CSK) यांच्यात आज चुरशीची लढत पाहायला मिळणार आहे. मुंबई (Mumbai Indians) आणि चेन्नई (Chennai Super Kings) या दोन संघातील सामना 6 मे रोजी दुपारी 3.30 वाजता चेन्नईच्या एमए चिदंबरम स्टेडियमवर (MA Chidambaram Stadium) खेळवला जाईल. यंदाच्या मोसमातील 12 व्या सामन्यात धोनीच्या नेतृत्त्वात चेन्नई सुपर किंग्सने आणि रोहित शर्माच्या मुंबई इंडियन्स रोमांचक सामन्यात पराभव केला आहे. मुंबई या पराभवाचा बदला घेणार की चेन्नई पुन्हा बाजी मारणार हे पाहावं लागणार आहे.
आयपीएलमधील ‘एल क्लासिको’ सामना
आयपीएलमधील ‘एल क्लासिको’ म्हणून ओळखल्या जाणारा चेन्नई विरुद्ध मुंबई सामन्याकडे आज सर्वांचं लक्ष लागलं आहे. यंदाच्या मोसमातील दुसरा एल-क्लासिको सामना आज पार पडणार आहे. मागच्या सामन्यात लखनौमध्ये कोसळणाऱ्या पावसामुळे, धोनीच्या चेन्नई सुपर किंग्स (CSK) आणि लखनौ संघातील सामना रद्द झाला आणि दोन्ह संघांना प्रत्येकी एक-एक गुण देण्यात आला. चेन्नई संघ मागील तीनपैकी दोन सामने गमावल्यानंतर विजयाच्या शोधात आहे. तर मुंबईची विजयी वाटचाल सुरु आहे.
MA Chidambaram Stadium Pitch Report : चेपॉक स्टेडिअमची खेळपट्टी कशी आहे?
चेन्नईतील एमए चिदंबरम स्टेडियम (MA Chidambaram Stadium) चेपॉक स्टेडियम (Chepauk Stadium) म्हणूनही ओळखले जातं. हे खूप जुनं मैदान आहे. या स्टेडियमवर फिरकीपटूंचं वर्चस्व आहे. अनेक फिरकीपटूंनी येथे गोलंदाजी करताना भरपूर विकेट्स घेतल्या आहेत. ज्या संघात चांगले फिरकीपटू असतील तो संघ या मैदानावर वर्चस्व गाजवतो. खेळपट्टीवर चेंडू वळणाचे प्रमाण जास्त असू शकतं. गेल्या काही वर्षांत चेपॉक स्टेडिअमची खेळपट्टी फलंदाजांसाठी चांगली ठरली आहे. खेळ जसजसा पुढे सरकतो तसतशी खेळपट्टी खूप कोरडी होते आणि याचा फिरकीपटूंना फायदा झाला होतो.
CSK vs MI Probable Playing XI : दोन्ही संघांची संभाव्य प्लेईंग 11
CSK Probable Playing 11 : चेन्नई सुपर किंग्स
ऋतुराज गायकवाड, डेव्हॉन कॉनवे, अजिंक्य रहाणे, मोईन अली, शिवम दुबे, रवींद्र जडेजा, महेंद्र सिंह धोनी (कर्णधार आणि विकेटकीपर), दीपक चहर, मथीशा पाथीराना, तुषार देशपांडे, महेश तीक्षणा.
MI Probable Playing 11 : मुंबई इंडियन्स
रोहित शर्मा (कर्णधार), ईशान किशन (विकेटकीपर), कॅमेरॉन ग्रीन, सूर्यकुमार यादव, तिलक वर्मा, टीम डेव्हिड, नेहाल वढेरा, जोफ्रा आर्चर, पीयुष चावला, कुमार कार्तिकेय, अर्शद खान.
महत्त्वाच्या इतर बातम्या :