IPL 2023, KKR vs GT : आयपीएल 2023 मध्ये 39 वा सामना आज गुजरात आणि कोलकाता संघात रंगणार आहे. गुजरात टायटन्स संघाने नाणेफेक जिंकून पहिल्यांदा गोलंदाजीचा निर्णय घेतला आहे. त्यामुळे कोलकाता नाईट रायडर्स संघ पहिल्यांदा फलंदाजीसाठी उतरेल. इंडियन प्रीमियर लीगमध्ये (IPL 2023) आजच्या डबल हेडरमधील पहिला सामना कोलकाता नाइट रायडर्स (Kolkata Knight Riders) आणि गुजरात टायटन्स (Gujarat Titans)  यांच्यात सामना रंगणार आहे. कोलकाताच्या ईडन मैदानावर हा सामना खेळवला जाणार आहे. आयपीएल गुणतालिकेत गुजरात दुसऱ्या क्रमांकावर तर कोलकाता सातव्या क्रमांकावर आहे. दोन्ही संघ आजच्या सामन्यात विजय मिळवून पॉईंट्स टेबलमध्ये उडी घेण्याचा प्रयत्न करतील.


IPL 2023, GT vs KKR : कोलकाता विरुद्ध गुजरात, कुणाचं पारड जड?


कर्णधार हार्दिक पांड्यांच्या नेतृत्वात गुजरात संघाने मागील सामन्यात मुंबई इंडियन्सचा 55 धावांनी पराभव केला. तसेच नितीश राणाच्या नेतृत्वात कोलकाताने बंगळुरुचा 21 धावांनी पराभव केला. कोलकाता संघाचा त्याआधीच्या चार सामन्यामध्ये पराभव स्वीकारावा लागला होता. त्यामुळे संघ आजच्या सामन्यातही विजय मिळवण्याचा प्रयत्न करेल. गुजरात संघाने आतापर्यंत सात सामने खेळले असून त्यापैकी पाच सामन्यांमध्ये विजय मिळवला आहे. तर, कोलकाता संघाने आतापर्यंत आठ सामने खेळले असून त्यापैकी फक्त तीन सामन्यांत विजय मिळवला आहे.


दोन्ही संघांची प्लेईंग 11 


कोलकाता प्लेइंग इलेव्हन


एन जगदीसन, रहमानउल्ला गुरबाज (विकेटकीपर), व्यंकटेश अय्यर, नितीश राणा (कर्णधार), आंद्रे रसेल, रिंकू सिंह, सुनील नारायण, डेव्हिड विसे, शार्दुल ठाकूर, हर्षित राणा, वरुण चक्रवर्ती.


गुजरात टायटन्स प्लेइंग इलेव्हन


रिद्धिमान साहा (विकेटकीपर), अभिनव मनोहर, हार्दिक पांड्या (कर्णधार), विजय शंकर, डेव्हिड मिलर, राहुल तेवाटिया, राशिद खान, नूर अहमद, मोहम्मद शमी, मोहित शर्मा, जोशुआ लिटल.


IPL 2023, KKR vs GT : हेड टू हेड आकडेवारी पाहा काय सांगते...


इंडियन प्रीमियर लीग (Indian Premier League) मध्ये कोलकाता (KKR) आणि गुजरात (GT) या दोन संघांमध्ये आतापर्यंत 2 सामने खेळवण्यात आले आहेत. दोन्ही संघांची परिस्थिती सारखी आहे. गुजरात आणि कोलकाता संघाने आयपीएलमध्ये आतापर्यंत प्रत्येकी एक-एक सामना जिंकला आहे. आज आयपीएलमध्ये या दोन्ही संघातील तिसरा सामना पाहायला मिळणार आहे.


KKR vsGT, IPL 2023 : कधी आणि कुठे होणार सामना?


कोलकाता (KKR) आणि गुजरात (GT) यांच्यात 29 एप्रिलला लढत पाहायला मिळणार आहे. हा सामना कोलकातामधील ईडन गार्डन स्टेडियमवर दुपारी 3.30 वाजता पार पडणार आहे.