India vs Indonesia  Asia Cup Hockey 2022 : हॉकी आशिया कप स्पर्धेचा सलामीचा सामना पाकिस्तानविरुद्ध अनिर्णीत सुटल्यानंतर दुसऱ्या सामन्यात भारताला जपान संघाने 5-2 च्या फरकाने दारुण मात दिली. ज्यानंतर भारताचा स्पर्धेतील तिसरा सामना आज यजमान संघ इंडोनेशियाविरुद्ध असणार आहे. या सामन्यात भारताला विजय मिळवणं अंत्यत गरजेचं आहे. कारण याआधी झालेल्या 2017 सालच्या आशिया कप स्पर्धेत भारताने विजय मिळवला होता. त्यामुळे यंदाही ही ट्रॉफी स्वत:कडे भारत ठेवू इच्छिणार असणार आहे. 


या स्पर्धेत दोन पूल असणार आहेत. ज्यात पूल ए मध्ये भारत आणि पाकिस्तानसोबत जपान आणि यजमान संघ इंडोनेशिया देखील आहे. तर दुसरीकडे पूल बीमध्ये मलेशिया, कोरिया, ओमान आणि बांग्लादेश हे संघ आहेत. दरम्यान पहिल्या सामन्यात भारताने सुरुवातीपासून एका गोलची आघाडीू कायम ठेवली होती. पण अखेरच्या काही मिनिटांत पाककडून गोल करण्यात आल्याने सामना अनिर्णीत ठरला. तर दुसऱ्या सामन्यात मात्र जपानने सुरुवातीपासून आपला दबदबा ठेवला होता. भारताने महत्त्वपूर्ण दोन गोल केले पण तोवर जपानने आघाडी वाढवल्याने अखेर भारत 5-2 ने पराभूत झाला.


कधी आहे सामना?


आज 26 मे रोजी भारत आणि इंडोनेशिया हॉकी संघामध्ये हा सामना पार पडत आहे.


कुठे आहे सामना?


हा सामना इंडोनेशियाची राजधानी जकार्ताच्या गेलोरा, बुंग कार्नो स्टेडियम कॉम्पलेक्समध्ये खेळवला जाणार आहे.


किती वाजता सुरु होणार सामना?


भारत आणि इंडोनेशिया यांच्यातील आजची हॉकी मॅच भारतीय वेळेनुसार 5 वाजता सुरु होणार आहे.


कुठे पाहता येणार सामना?


भारत आणि इंडोनेशिया यांच्यातील आजचा सामना स्टार स्पोर्ट नेटवर्कवर पाहता येणार आहे. तसेच हॉटस्टार अॅपवरही सामना पाहता येईल. 


हे देखील वाचा-