FIFA World Cup, Qatar 2022 : मध्यपूर्वेत होणार्‍या पहिल्या फुटबॉल विश्वचषकाची (FIFA World Cup 2022) आतापर्यंत 24.50 लाख तिकिटं विकली गेली आहेत. फिफानं (FIFA) गुरुवारी ही माहिती दिली. तिकीट विक्रीच्या शेवटच्या टप्प्यात (5 ते 16 जुलै) 5 लाखांहून अधिक तिकिटांची विक्री झाल्याचंही फिफानं म्हटलं आहे. दरम्यान, फिफा विश्वचषक यंदा कतारमध्ये (Qatar) होणार आहे.
फिफानं आपल्या निवेदनात ज्या सामन्यांची तिकीटं सर्वाधिक विकली गेली आहेत. अशा 5 सामन्यांचाही उल्लेख केला आहे. या सामन्यांमध्ये कॅमेरुन विरुद्ध ब्राझील विरुद्ध सर्बिया, पोर्तुगाल विरुद्ध उरुग्वे, कोस्टा रिका विरुद्ध जर्मनी आणि ऑस्ट्रेलिया विरुद्ध डेन्मार्क यांचा समावेश आहे. कतार, युएई आणि सौदी अरेबियातील सर्वाधिक प्रेक्षकांचा समावेश आहे.
FIFA ने म्हटलं आहे की, "कतार, सौदी अरेबिया, UAE तसेच अमेरिका, मेक्सिको, इंग्लंड, अर्जेंटिना, ब्राझील, वेल्स आणि ऑस्ट्रेलियातील सर्वाधिक फुटबॉल चाहते तिकीट खरेदी करत आहेत. या देशांमधून सर्वाधिक तिकिटं आरक्षित झाली आहेत."
तिकीट विक्रीचा पुढचा टप्पा कधी?
FIFA विश्वचषक 2022 च्या तिकिटांच्या विक्रीचे आणखी काही टप्पे बाकी आहेत. पुढील तिकीट विक्रीचा टप्पा सप्टेंबरच्या अखेरीस जाहीर केला जाईल. यानंतर, 'लास्ट मिनिट सेल्स फेज' लाँच करण्याबरोबरच 'ओव्हर द काउंटर सेल' देखील दोहामध्ये सुरू होईल.
पहिला सामना 20 नोव्हेंबरला
FIFA विश्वचषक 2022 चा पहिला सामना यजमान देश कतार आणि इक्वेडोर यांच्यात 20 नोव्हेंबर रोजी होणार आहे. साधारणपणे फुटबॉल विश्वचषक स्पर्धा जून-जुलैमध्ये होतात. मात्र या महिन्यात कतारमध्ये भयंकर उष्णता असते. त्यामुळे नोव्हेंबरमध्ये विश्वचषकाचं आयोजन करण्यात आलं आहे.
फिफा काय आहे?
International Federation of Association Football अर्थात 'फिफा' ही फुटबॉलबाबतची आंतरराष्ट्रीय संघटना आहे. 'फिफा' हे फ्रेंचमधील Fédération internationale de Football Association याचे संक्षिप्त रुप आहे. क्रिकेटमध्ये आयसीसीकडून नियमन केले जाते. त्याच प्रमाणे फिफाकडून फुटबॉलचे नियमन केले जाते. फुटबॉलशी संबंधित आंतरराष्ट्रीय सामने, विविध स्पर्धांचे आयोजन फिफाकडून करण्यात येते. जगातील जवळपास 211 देश फिफाचे सदस्य आहेत.
महत्त्वाच्या इतर बातम्या :