Georgina Rodríguez Photo : सध्याच्या घडीला जगातील महान फुटबॉलर ख्रिस्तियानो रोनाल्डो (Cristiano Ronaldo) फिफा विश्वचषक 2022 (Fifa World Cup 2022) खेळण्यात व्यस्त आहे. वर्ल्डकपसाठी रोनाल्डो कतारमध्ये असून त्याचे कुटुंबीय देखील त्याला पाठिंबा देण्यासाठी कतारमध्ये आले आहेत. रोनाल्डोच्या पोर्तुगाल संघान उपांत्यपूर्व फेरीत आपले स्थान निश्चित केल्यानंतर ख्रिस्तियानो रोनाल्डोची मैत्रीण जॉर्जिना रॉड्रिग्जही (Georgina Rodríguez) कतारमध्ये पोहोचली आहे. जॉर्जिना त्यांच्या मुलांसोबत पोहोचली असून तिने तिथे पोहोचताच सोशल मीडियावर आपले खास भटकंतीचे फोटोज पोस्ट केले आहेत. जॉर्जिनाने एक जबरदस्त फोटोशूट केलं आहे ज्यामध्ये तिची वेगळी खास स्टाईल पाहायला मिळत आहे.
जॉर्जिनाने तिच्या इन्स्टाग्राम अकाऊंटवर शेअर केलेल्या पोस्टमध्ये 7 फोटो दिसत आहेत. त्यात तिची किलर अशी स्टाईल पाहायला मिळत आहे. जॉर्जिनाने शेअर केलेल्या फोटोमध्ये रोनाल्डोची चार मुलंही दिसत आहेत. याशिवाय एक ग्रुप फोटो देखील आहे ज्यामध्ये काही इतर काही लोक देखील आहेत. वाळवंटातील हे फोटोज नेटीजन्सनाही आवडत आहे. याशिवाय जॉर्जिना स्टेडियममधील तिचे फोटोही सतत शेअर करत असते.
पाहा फोटो-
रोनाल्डो क्वॉर्टर फायनल खेळायला मैदानात उतरणार
ख्रिस्तियानो कर्णधार असणाऱ्या पोर्तुगालने आतापर्यंत फिफा विश्वचषकात चांगली कामगिरी केली आहे. त्यांनी घानाविरुद्ध 3-2 ने विजय मिळवून स्पर्धेची सुरुवात केली आणि पुढच्याच सामन्यात उरुग्वेला 2-0 ने पराभूत केलं. शेवटच्या ग्रुप स्टेजमधील सामन्यात त्यांना दक्षिण कोरियाविरुद्ध 2-1 असा पराभव स्वीकारावा लागला होता. यानंतर राऊंड ऑफ 16 मध्ये त्यांनी स्वित्झर्लंडविरुद्ध 6-1 असा मोठा विजय मिळवला. ज्यानंतर आता उपांत्यपूर्व फेरीत अर्थात क्वॉर्टर फायनल खेळण्यासाठी मैदानात उतरणार आहेत. त्यांचा सामना मोरोक्कोशी होणार आहे.
हे देखील वाचा-