Team India WTC Final Scenario : श्रीलंकेने टीम इंडियाच्या विजयाचा घास हिरावला; भारत आता WTC च्या फायनलमध्ये कसा पोहोचणार?, चक्रावून टाकणारं समीकरण
Team India WTC Final Scenario Update : भारतीय संघाच्या वर्ल्ड टेस्ट चॅम्पियनशिप फायनलच्या आशांना मोठा धक्का बसला आहे.

Team India WTC 2025-27 Points Table Final Scenario : श्रीलंका विरुद्धचा कोलंबो येथील दुसरा कसोटी सामना अनिर्णित राखण्यात यजमान संघाला यश आल्यामुळे भारतीय संघाच्या वर्ल्ड टेस्ट चॅम्पियनशिप फायनलच्या आशांना मोठा धक्का बसला आहे. शुभमन गिलच्या नेतृत्वाखाली खेळणाऱ्या भारतीय संघाने 2 सामन्यांची मालिका 1-0 अशी आपल्या नावावर केली असली, तरी दुसऱ्या सामन्यातील ड्रॉमुळे भारताचा निसटता विजय हातातून निघून गेला.
Sri Lanka's fight ensures that they hold onto their place in the #WTC27 standings 👊
— ICC (@ICC) August 27, 2026
More ➡️ https://t.co/Ag5irO9kgu pic.twitter.com/vPpFPQi4Xf
WTC गुणतालिकेत पाचवे स्थान कायम, पण टक्केवारीत मोठा फटका
दुसरा सामना जिंकला असता तर भारत 60 टक्केवारीच्या पार जाऊन संघ थेट चौथ्या स्थानावर पोहोचला असता. मात्र, सामना अनिर्णित राहिल्यामुळे भारताची टक्केवारी ही 53.33 वरून 51.51 वर आली. गुणतालिकेत भारतीय संघ अजूनही पाचव्या स्थानावरच अडकला आहे. या चक्रात भारताचे आता एकूण 7 सामने बाकी आहेत आणि 2 सामने न्यूझीलंडविरुद्ध आणि 5 सामने ऑस्ट्रेलियाविरुद्ध आहे.
फायनलमध्ये पोहोचण्याचे गुंतागुंतीचे समीकरण
ड्रॉमुळे टीम इंडियाच्या डब्ल्यूटीसी (WTC) अंतिम फेरीत पोहोचण्याच्या संधीला निश्चितच धक्का बसला आहे. पण, संघाला अजूनही अंतिम फेरीत पोहोचण्याची संधी आहे. अंतिम फेरीसाठी पात्र होण्याकरिता किमान 60% पीसीटी आवश्यक आहे. त्यापेक्षा कमी गुण मिळवणे अशक्य होईल. पण, 60% गुण देखील कमी असू शकतात, कारण पहिल्या क्रमांकावर असलेल्या ऑस्ट्रेलियाची 80% आणि दुसऱ्या क्रमांकावर असलेल्या दक्षिण आफ्रिकेची 75% शक्यता आहे.
A stunning Sri Lanka resistance to shift the #WTC27 state of play 👏
— ICC (@ICC) August 28, 2026
More 📲https://t.co/Ag5irO9kgu
भारताला काय करावे लागेल?
फायनलचे तिकीट पक्के करण्यासाठी भारताला उर्वरित सर्व 7 सामने जिंकणे आवश्यक आहे. जर संघाने 7 पैकी 7 सामने जिंकले, तरच भारत अंतिम फेरीत पोहोचण्याचा दावा भक्कम करू शकेल. एखादा सामना गमावणे किंवा अनिर्णित राहणे भारताला स्पर्धेतून बाहेर करू शकते.
मागील डब्ल्यूटीसी (WTC) चक्रात, म्हणजेच 2023-25 मध्ये टीम इंडिया अंतिम फेरीत पोहोचण्यात अपयशी ठरली होती. त्यापूर्वी, ते दोन्ही चक्रांमध्ये अंतिम फेरीत पोहोचले होते. पहिल्या चक्रात न्यूझीलंडविरुद्ध आणि दुसऱ्या चक्रात ऑस्ट्रेलियाविरुद्ध त्यांना विजेतेपद गमवावे लागले.
हे ही वाचा -




















