Shreyas Iyer Viral Dance Video : सोशल मीडियावर (Social Media) दररोज नवनवीन चँलेंज तसेच डान्स व्हिडीओ व्हायरल होत असतात. अगदी सेलिब्रिटींपासून खेळाडूही त्यांचे डान्स व्हिडीओ सोशल मीडियावर शेअर करताना पाहायला मिळतं. अलिकडे सोशल मीडियावर 'टम-टम' (Tum-Tum) हे गाणं आणि डान्स व्हिडीओ व्हायरल होताना दिसत आहे. आता भारतीय क्रिकेटपटूलाही या गाण्यावर डान्स करण्याचा मोह आवरलेला नाही. भारतीय क्रिकेटपटू श्रेयस अय्यर याच्या टम-टम गाण्यावरील डान्सचा व्हिडीओ सध्या व्हायरल होत आहे. यामध्ये तो एका तरुणीसोबत डान्स करत आहे.
श्रेयस अय्यरलाही Tum-Tum गाण्याचं लागलं वेड
क्रिकेटर श्रेयस अय्यर अनेकदा त्याच्या डान्सचे व्हिडीओ सोशल मीडियावर शेअर करतो. चाहते त्याच्या डान्सचे व्हिडीओ आवडीने पाहतात आणि व्हायरलही करतात. असाच एक व्हिडीओ सध्या समोर आला आहे. या व्हिडीओमध्ये श्रेयस अय्यर व्हायरल तामिळ गाणं टम-टमवर डान्स करताना दिसत आहे. यामध्ये त्याच्यासोबत एक तरुणी दिसत आहे. यानंतर काही नेटकऱ्यांना प्रश्न पडला आहे की, या व्हिडीओतील तरुणी कोण आहे.
पाहा व्हिडीओ : श्रेयस अय्यरचा डान्स व्हायरल
दरम्यान, श्रेयस अय्यरसोबत डान्स व्हिडीओमध्ये दिसणारी तरुणी त्याची बहिण श्रेष्ठा अय्यर (Shresta Iyer) आहे. त्याच्या बहिणीनेच हा डान्स व्हिडीओ शेअर केला आहे. यामध्ये बहिण-भाऊ व्हायरल झालेल्या टम-टम या गाण्यावर डान्स करताना दिसत आहे. तमिळ सिनेमातील टम-टम गाणं सध्या सोशल मीडियावर चांगलंच व्हायरल होत आहे. अनेकजण या गाण्यावर डान्स करून इन्स्टाग्रामवर रील्स बनवताना दिसत आहेत. आता यामध्ये भारतीय क्रिकेटपटू श्रेयस अय्यरही सामील झाला आहे.
हा व्हिडीओ शेअर करताना श्रेयसच्या बहिणीने कॅप्शनमध्ये लिहिले की, ''बेस्ट फ्रेंडसोबत ट्रेंडींग गाण्यावर केलेला डान्स'' श्रेयस आणि श्रेष्ठा दोघेही अनेकदा त्यांच्या सोशल मीडिया अकाऊंटवरून मजेदार रील्स पोस्ट करत असतात. रक्षाबंधनाच्या वेळीही श्रेयस अय्यरच्या बहिणीने एक मजेदार व्हिडीओ शेअर केला होता, ज्यामध्ये दोघेही मस्ती करताना दिसत होते.
टीम इंडियाचा क्रिकेटपटू श्रेयस अय्यरने आपल्या उत्तम कामगिरीमुळे खूप प्रसिद्धी मिळवली आहे. श्रेयस सोशल मीडियावर त्याच्या वैयक्तिक आयुष्यामुळेही चर्चेत असतो. श्रेयसची लहान बहीण श्रेष्ठा अय्यर सोशल मीडियावर सक्रिय असते.
महत्त्वाच्या इतर बातम्या :