IND vs PAK, Asia Cup 2022 : आशिया कप 2022 (Asia Cup 2022) स्पर्धेला 27 ऑगस्टपासून सुरुवात होत असून भारत आणि पाकिस्तान सामना 28 ऑगस्ट रोजी रंगणार आहे. या महामुकाबल्यासाठी दोन्ही संघ सज्ज झाले असून खेळाडू कसून सराव करत आहे. याच सरावादरम्यान पाकिस्तानचा गोलंदाज मोहम्मद वसिम ज्युनियर (Mohammad Wasim JNR.) दुखापतग्रस्त झाल्याचं समोर आलं आहे. त्यामुळे शाहीन आफ्रिदी स्पर्धेबाहेर झाल्यानंतर आणखी एका गोलंदाजासा दुखापत झाल्यानं पाकिस्तानची डोकेदुखी आणखी वाढली आहे.
सराव करताना झाली दुखापत
पाकिस्तानचा स्टार वेगवान गोलंदाज शाहीन आफ्रिदी स्पर्धेपूर्वीच दुखापतग्रस्त झाला आणि स्पर्धेबाहेर गेला. ज्यामुळे पाकिस्चानचा गोलंदाजी अटॅक कोण सांभाळणार हा प्रश्न निर्माण झाला. त्याच्या जागी मोहम्मद हसनैनला संधी मिळाली आहे. पण अनुभवाची कमतरता संघात दिसून येत आहे. अशात आता मोहम्मद वसिम ज्युनियर देखील सरावादरम्यान दुखापतग्रस्त झाला. सराव करताना त्याला पाठीचा त्रास सुरु झाला. त्यामुळे त्याला त्वरीत एमआरआय करण्यासाठी रुग्णालयात पाठवण्यात आलं. अजूनतरी त्याच्या प्रकृतीबद्दल कोणताही अपडेट समोर आला नसला तरी त्याची दुखापत संघाला अत्यंत महाग पडू शकते. वसिम याने आतापर्यंत केवळ 11 आंतरराष्ट्रीय टी20 सामने खेळले असले तरी यामध्ये त्याने 17 विकेट्स घेतल्या आहेत.
कशी आहे पाकिस्तानची गोलंदाजी?
पाकिस्तान संघाच्या गोलंदाजीचा विचार करता, शाहीन आफ्रिदीची अनुपस्थिती संघाची डोकेदुखी नक्कीच वाढवू शकते. पण संघ व्यवस्थापनाने जाहीर केलेल्या संघानुसार शाहीनसाठी त्यांनी नसीम शाह या 19 वर्षीय गोलंदाजाचा विचार केला आहे. वेगवान गोलंदाजीसाठी प्रसिद्ध नसीमच्या वेगापासून भारतीय फलंदाजांना सावध राहावं लागणार आहे. याशिवाय मोहम्मद वसीम ज्युनियर, शाहनवाज दहनी या मीडियम फास्ट बोलर्सचीही ताकद पाकिस्तानकडे आहे. पण मोहम्मदच्या दुखापतीमुळे इथेही आता पाकिस्तानचं टेन्शन वाढलं आहे. तसंच शाहीनच्या जागी संधी देण्यात आलेला मोहम्मद हसनैन याच्याबद्दलही भारताला विचार करावा लागेल, कारण केवळ 19 वर्षीय मोहम्मदच्या गोलंदाजीत वेग आणि स्वींग दोन्ही असल्यानं त्याच्यापासून फलंदाजांना मोठा धोका आहे. याशिवाय फिरकी गोलंदाजीची जबाबदारी शादाब खान आणि उस्मान कादिर यांच्याकडे असेल.
हे देखील वाचा-