Jos Buttler stepped down as England white ball captain : चॅम्पियन्स ट्रॉफी 2025 मधील इंग्लंड क्रिकेट संघाच्या खराब कामगिरीनंतर कर्णधार जोस बटलरने कर्णधारपद सोडण्याची घोषणा केली आहे. या स्पर्धेतील इंग्लंडच्या संघाचा शेवटचा सामना दक्षिण आफ्रिका विरुद्ध इंग्लंड विरुद्ध असणार आहे. त्यामुळे कर्णधार म्हणून जोस बटलरचा शेवटचा एकदिवसीय सामना असेल. चॅम्पियन्स ट्रॉफीपूर्वी इंग्लंड क्रिकेट संघाचा भारत दौराही निराशाजनक होता. जॉस बटलरच्या नेतृत्वाखाली इंग्लंडने भारताविरुद्धची एकदिवसीय मालिका 0-3 ने गमावली होती.
व्हाईट बॉल क्रिकेटमधून इंग्लंडचं कर्णधारपद सोडणार , जोस बटलरची घोषणा
चॅम्पियन्स ट्रॉफीमध्ये इंग्लंडला दुबळ्या मानल्या जाणाऱ्या अफगाणिस्तानने पराभूत केले. त्यामुळे इंग्लंडला चॅम्पियन्स ट्रॉफीतून बाहेर पडावे लागले होते. परिणामी कर्णधार जोस बटलरवरही दबाव वाढल्याचं बोललं गेलं. जॉस बटलर कर्णधारपद सोडण्याचा निर्णय घेईल, अशी आधीच अपेक्षा होती. शुक्रवारी स्पर्धेतील इंग्लंडच्या शेवटच्या सामन्यापूर्वी, बटलरने अधिकृतपणे कर्णधारपद सोडण्याचा निर्णय जाहीर केला.
नवा कर्णधार संघाला पुढे घेऊन जाईल, अशी आशा आहे - बटलर
पत्रकार परिषदेत जॉस बटलर म्हणाला की, "मी इंग्लंड क्रिकेट संघाचे कर्णधारपद सोडत आहे. हा माझ्यासाठी आणि संघासाठी योग्य निर्णय आहे. आशा आहे की नवा कर्णधार ब्रेंडन मॅक्युलम यांच्यासोबत या संघाला यश प्राप्त करुन देईल. दुःख आणि निराशेच्या भावना अजूनही कायम आहेत. मला खात्री आहे की हे सर्व वेळोवेळी निघून जाईल आणि मी माझ्या क्रिकेटचा आनंद घेऊ शकेन. माझ्या देशाचे नेतृत्व करणं हा माझ्यासाठी मोठा सन्मान होता.
जॉस बटलरच्या नेतृत्वाखालील इंग्लंड क्रिकेट संघाकडून अशी खराब कामगिरी अपेक्षित नव्हती. ऑस्ट्रेलियाविरुद्ध 351 धावांची मोठी धावसंख्या उभारूनही संघाचा 5 गडी राखून पराभव झाला. दुसऱ्या सामन्यातही मोठा उलटफेर पाहायला मिळाला. अफगाणिस्तानने त्यांचा 8 धावांनी पराभव केला. या पराभवानंतरच इंग्लंड क्रिकेट संघ चॅम्पियन्स ट्रॉफीतून बाहेर पडला.
इतर महत्त्वाच्या बातम्या