नवी दिल्ली: भारतीय वेगवान गोलंदाज जसप्रित बुमराह लवकरच बोहल्यावर चढणार असल्याची बातमी आहे. आपल्या वैयक्तिक कारणांमुळे त्याने काही दिवस सुट्टी घेतली असल्याने तो लग्न करणार असल्याचं सांगितलं जातंय. वृत्तसंस्था एनआयएने ही बातमी दिली आहे.
एएनआयने बीसीसीआयमधील आपल्या एका सूत्राच्या हवाल्याने सांगितलं आहे की, बुमराह जीवनातील आपल्या नव्या इनिंगची सुरुवात करतोय. त्याने आपल्या लग्नाच्या तयारीसाठी भारत इंग्लंड दरम्यानच्या कसोटी सामन्यातून माघार घेतली आहे. जसप्रित बुमराह नेमकं कोणत्या दिवशी लग्न करतोय हे नक्की झालं नसलं तरी या आठवड्यात तो बोहल्यावर चढणार आहे हे नक्की आहे.
IND Vs ENG: चौथ्या कसोटीआधी टीम इंडियाला मोठा धक्का, 'हा' स्टार खेळाडू संघाबाहेर
भारत-इंग्लंडच्या दरम्यान कसोटी सामन्यानंतर 12 मार्चपासून टी-20 पाच सामन्यांची मालिका खेळवण्यात येणार आहे. या मालिकेसाठीही बुमराहला आराम देण्यात आला आहे. या मालिकेनंतर भारत आणि इंग्लंड दरम्यान एकदिवसीय मालिका सुरु होणार आहे. त्यामधेही जसप्रित बुमराहला आराम देण्यात येणार असल्याची चर्चा सुरु आहे.
27 वर्षीय या युवा खेळाडूने आपल्या गोलंदाजीने गेल्या काही काळात वेगळी छाप उमटवली आहे. 2019 साली दुखापतीमुळे काही काळ त्याला क्रिकेटपासून दूर रहावं लागलं होतं.
इंग्लंडविरोधात सुरु असलेल्या चार कसोटी सामन्यांच्या मालिकेत टीम इंडियानं आघाडी घेतली आहे. अहमदाबादच्या नरेंद्र मोदी स्टेडियमवर खेळल्या गेलेल्या तिसर्‍या कसोटी सामन्यात भारताने दुसर्‍या दिवशी इंग्लंडचा 10 गडी राखून पराभव केला आहे. या विजयासह भारताने चार सामन्यांच्या कसोटी मालिकेत 2-1 अशी आघाडी घेतली आहे. आता आयसीसी वर्ल्ड टेस्ट चॅम्पियनशिपचं तिकिट मिळवण्यासाठी चौथा सामना जिंकण किंवा अनिर्णित ठेवणं भारतीय संघाला आवश्यक आहे. या महत्वाच्या सामन्यात संघाचा आघाडीचा गोलंदाज जसप्रीत बुमराह मात्र संघात नसणार आहे.
ICC ODI Ranking : विराट-रोहित टॉपवर कायम, जसप्रीत बुमराहची मात्र घरसण