एक्स्प्लोर

IPL 2021 : आयपीएलच्या मॅचेस पाहण्यासाठी प्रेक्षाकांना मैदानात प्रवेश मिळणार! उद्यापासून तिकीट विक्री सुरु

IPL च्या 14 हंगामाच्या दुसऱ्या टप्प्यात प्रेक्षकांसाठी आनंदाची बातमी आहे. प्रेक्षकांना मॅचचा मैदानात बसून आनंद घेता येणार आहे. IPLच्या सामन्यात प्रेक्षकांना मैदानात उपस्थित राहण्याची परवानगी मिळाली.

Written By : एबीपी माझा वेबटीम | Updated at : 15 Sep 2021 05:53 PM (IST)

indian-premier league organizers said limited spectators will be allowed into stadiums IPL 2021 : आयपीएलच्या मॅचेस पाहण्यासाठी प्रेक्षाकांना मैदानात प्रवेश मिळणार! उद्यापासून तिकीट विक्री सुरु

IPL

IPL 2020 : इंडियन प्रीमियर लीगच्या 14 व्या हंगामाच्या दुसऱ्या टप्प्यात मैदानात प्रेक्षकांचा आवाज घुमणार आहे. कारण आयपीएलच्या दुसऱ्या टप्प्यात प्रेक्षकांना मैदाना उपस्थित राहण्याची परवानगी मिळाली आहे. इंडियन प्रीमियर लीगच्या आयोजकांनी याबाबत माहिती दिली. संयुक्त अरब अमिरात (यूएई) मध्ये 19 सप्टेंबरपासून आयपीएलचे सामने खेळवले जाणार आहेत.

क्रिकेट फॅन्स उद्यापासून म्हणजे 16 सप्टेंबरपासून सामन्यांचे तिकीट ऑनलाईन बूक करू शकतील. IPL च्या अधिकृत वेबसाईट www.iplt20.com वरून प्रेक्षकांना तिकिटे खरेदी करता येतील. आयपीएलचे उर्वरित 31 सामने 19 सप्टेंबरपासून खेळवले जाणार आहेत. हे सामने दुबई, शारजाह आणि अबू धाबी येथे मर्यादित प्रेक्षकांसह खेळवले जातील. मात्र किती प्रेक्षकांना स्टेडियममध्ये प्रवेश मिळेल याबद्दल काहीही सांगितले गेले नाही. या दरम्यान, कोविड प्रोटोकॉल आणि यूएई सरकारच्या कोरोना संबंधित नियमांचे पालन केले जाईल.

मुंबई-चेन्नई यांच्यात रंगणार पहिला सामना

पहिला सामना चेन्नई सुपर किंग्ज (CSK) आणि मुंबई इंडियन्स (MI) यांच्यात खेळवण्यात येणार आहे. चेन्नई सुपर किंग्ज (CSK) आणि मुंबई इंडियन्स (MI) मधील हा सामना दुबई येथे खेळवण्यात येणार आहे. हा सामना संध्याकाळी 7.30 वाजता सुरु होईल. पूर्वीप्रमाणे आयपीएल सामने हे दुपारी 3.30 आणि सायंकाळी 7.30 वाजता खेळवण्यात येणार आहे.

आईपीएल 2021 च्या दुसऱ्या पर्वाचे वेळापत्रक