MS Dhoni : भारतीय संघाचा माजी कर्णधार महेंद्रसिंह धोनीने 2020 मध्ये आंतरराष्ट्रीय क्रिकेटला अलविदा केलं. त्यानंतर आता तो केवळ आयपीएल खेळत असून याशिवाय तो जाहिरातींमध्ये देखील झळकताना दिसतो. आयपीएलच्या हंगामासाठी देखील त्याने अगदी हटके जाहिराती केल्या होत्या. त्यानंतर आता आगामी जाहिरातीत धोनी पंडित लूकमध्ये दिसून येत आहे. त्याच्या या लूकची चर्चा सोशल मीडियावर होत असून त्याचे फोटोही व्हायरल होत आहेत.
भारतीय संघाचा महान माजी कर्णधार धोनी अनेक जाहिरातीत झळकत असतो. आताही त्याने एका जाहिरातीसाछी पंडिताची वेशभूषा घेतल्याचं दिसून आलं आहे. त्याच्या अनेक चाहत्यांनी त्याचा हा लूक सोशल मीडियावर शेअर देखील केला आहे. यामध्ये धोनी एका पिवळ्या रंगाचा कुर्ता घातल्याचं दिसून येत आहे. तसंत धोनीच्या हातात एक माळ देखील दिसत आहे.
धोनी आयपीएल 2023 साठी सज्ज
2020 मध्ये आंतरराष्ट्रीय क्रिकेटला अलविदा करणारा एमएस धोनी आता फक्त आयपीएलमध्ये दिसत आहे. तो इंडियन प्रीमियर लीगमधील चेन्नई सुपर किंग्जचा एक भाग आहे, जिथे त्याला फ्रँचायझीनं 12 कोटी रुपयांमध्ये संघात कायम ठेवलंय. धोनी 2022 मध्येही सीएसकेकडून खेळला होता आणि 2023 मध्येही खेळताना दिसणार आहे. धोनीनं आयपीएलच्या पंधराव्या हंगामापूर्वी रवींद्र जडेजाकडं कर्णधारपद सोपवलं होतं, पण नंतर त्यालाच कर्णधारपदाची जबाबदारी पार पाडावी लागली होती.
धोनीला गुडघ्याची दुखापत त्रस्त
महेंद्रसिंह धोनी गुडघ्याच्या दुखापतीनं त्रस्त असल्याची माहिती अनेक दिवसांपासून समोर येत आहे. रांचीजवळील एका गावात झाडाखाली बसून डॉक्टरांकडून गुडघ्यांवर उपचार करत असल्याचंही समोर आलं होतं. जंगली औषधी वनस्पतींच्या मदतीनं उपचार करणाऱ्या वैद्य बंधनसिंग खरवार यांनी सांगितले होतं की, प्रत्येक रुग्णाप्रमाणे तेही धोनीकडून औषधाच्या एका डोससाठी 40 रुपये घेतात.
हे देखील वाचा-