न्यूड फोटो शेअर करुन हसीन जहांने केलेल्या आरोपांवर मोहम्मद शमीचं उत्तर...
हसीन जहांने इन्स्टाग्रामवर एक न्यूड फोटो शेअर केला होता. या फोटोत तिच्यासोबत मोहम्मद शमी असल्याचं तिने म्हटलं होतं. तसंच तिने शमीवर आरोपही केला होता. त्यावर आता शमीने उत्तर दिलं आहे.
मुंबई : भारतीय क्रिकेट संघाचा मध्यमगती गोलंदाज मोहम्मद शमीचा त्याची पत्नी हसीन जहांसोबत गेल्या महिन्यांपासून वाद सुरु आहे. सोशल मीडियावर हसीन जहांने एक फोटो शेअर करुन मोहम्मद शमीवर अप्रत्यक्ष आरोप केले आहेत. आता शमीने त्यावर उत्तर दिलं आहे. "हसीनचे सर्व आरोप निराधार आणि खोटे आहेत. तिने आरोप सिद्ध करुन दाखवावेत," असं आव्हान त्याने दिलं.
मोहम्मद शमी सध्या गरजूंची मदत करत आहे. त्याने काल (1 जून) दुपारी बसमधून जाणाऱ्या स्थलांतरित मजूर आणि इतर प्रवाशांना स्वत:च जेवण आणि फळांचं वाटप केलं. यावेळी शमीने पत्नी हसीन जहांच्या आरोपांवरही भाष्य केलं. तसंच हसीन जहांसोबत आता माझा कोणताही संबंध नसल्याचा पुनरुच्चार मोहम्मद शमीने केला.
हसीन जहांने इन्स्टाग्रामवर एक न्यूड फोटो शेअर करुन सगळ्यांनाच धक्का दिला होता. या फोटोमध्ये तिच्यासोबत असलेला व्यक्ती हा मोहम्मद शमी असल्याचा दावा केला जात आहे. मात्र 'एबीपी माझा ऑनलाईन' याला दुजोरा देत नाही. या फोटोवरुन शमीच्या चाहते हसीनवर भडकले आणि त्यांनी कमेंट करुन तिच्यावर टीका केली.
हसीनने या फोटोसोबत शमीसाठी एक मेसेजही लिहिला आहे. तिने लिहिलं आहे की, "कल तू कुछ नहीं था तो मैं पाक थी, आज तू कुछ बन गया तो मैं नापाक हो गई। झूठ बुर्खा डालकर बेपर्दा सच को मिटा नहीं सकता। मगरमच्छ के आंसू कुछ दिनों का ही सहारा होते हैं। " यासह तिने लिहिलं आहे की, 'मॉडेल हसीन जहांसोबत क्रिकेटर शमी अहमद.'
दरम्यान, मोहम्मद शमी आणि हसीन जहां मागील अनेक वर्षांपासून वेगळे राहत आहेत. हसीन जहां आणि मोहम्मद शमी यांचा वाद आता कोर्टात सुरु आहे. तिने शमीवर फसवणुकीसह अनेक गंभीर आरोप केले आहे. तेव्हापासूनच हे दाम्पत्य वेगळं राहत आहे. शमी आणि हसीनला एक मुलगी आहे.
महत्त्वाच्या बातम्या
