IND vs SL : पिंक बॉल कसोटीत भारताची आघाडीची फळी ढेपाळली, अय्यरची एकाकी झुंज, शेपटावर मदार
India vs Sri Lanka 2nd Test : बंगळुरु येथे सुरु असलेल्या पिंक बॉल कसोटीत भारतीय संघाची तगडी फलंदाजी ढेपाळली आहे. कर्णधार रोहित शर्मा, विराट कोहली, ऋषभ पंतसह सर्वच फलंदाजांनी नांगी टाकली.
India vs Sri Lanka 2nd Test : बंगळुरु येथे सुरु असलेल्या पिंक बॉल कसोटीत भारतीय संघाची तगडी फलंदाजी ढेपाळली आहे. कर्णधार रोहित शर्मा, विराट कोहली, ऋषभ पंतसह सर्वच फलंदाजांनी नांगी टाकली. परिणामी 150 धावांच्या आतमध्ये भारताचा निम्मा संघ माघारी परतला होता. बातमी लिहिण्यापर्यंत 183 धावांमध्ये भारताचे सात फलंदाज तंबूत परतले होते. श्रेयस अय्यर 37 धावा काढून मैदानावर आहे. आता सर्व मदार श्रेयस अय्यर आणि तळाच्या फंलदाजांवर आहे. सध्या भारतीय संघाने 48 षटकांत सात गड्यांच्या मोबदल्यात 204 धावा चोपल्या आहेत. श्रेयस अय्यर 50 तर अक्षर पटेल सहा धावांवर खेळत आहेत.
दिवसरात्र कसोटी सामन्यात कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला. मयांक अग्रवाल आणि कर्णधार रोहित शर्मा यांना भारताला चांगली सुरुवात देता आली नाही. मयांक अग्रवाल धावबाद झाला. त्यानंतर रोहित शर्माही लगेच माघारी परतला. मयांकने चार तर रोहित शर्माने 15 धावा केल्या. हनुमा विहारी आणि विराट कोहली ही जोडी जमेल असे वाटत असतानाही पुन्हा एकदा लंकेच्या गोलंदाजांनी अचूक टप्प्यावर गोलंदाजी करत भारताला लागोपाठ धक्के दिले. हनुमा विहारी 31 तर विराट कोहली 23 धावा करुन माघारी परतले. लागोपाठ विकेट पडत असताना मैदानावर आलेल्या ऋषभ पंत याने विस्फोटक फलंदाजी केली. मात्र, पंतनेही विकेट फेकली. पंत 26 चेंडूत 39 धावा करुन माघारी परतला. त्यानंतर आलेल्या जाडेजा आणि अश्विन यांनाही आपल्या लौकिकास साजेशी फलंदाजी करता आली नाही. जाडेजा 4 तर अश्विन 15 धावांवर माघारी परतले. सध्या श्रेयस अय्यर आणि अक्षर पटेल मैदानावर आहेत.
रॉयल चॅलेंजर्स बंगळूरुच्या गृहमैदानावर म्हणजेच एम. चिन्नास्वामी स्टेडियमवर विराट कारकीर्दीतील ‘शतकदुष्काळ’ संपवेल अशी क्रिकेटचाहत्यांना आशा होती. मात्र, विराट कोहलीने पुन्हा एकदा निराशा केली. चांगल्या सुरुवातीनंतर विराट कोहली बाद झाला. विराट कोहली बाद झाल्यानंतर सोशल मीडियावर पुन्हा एकदा विराट कोहलीच्या शतकांची चर्चा सुरु झाली आहे.
भारताचा कसोटी संघ:
मयंक अग्रवाल, रोहित शर्मा (कर्णधार), हनुमा विहारी, विराट कोहली, ऋषभ पंत (विकेटकीपर), श्रेयस अय्यर, रवींद्र जडेजा, रविचंद्रन अश्विन, अक्षर पटेल, मोहम्मद शमी, जसप्रीत बुमराह.
श्रीलंकेचा कसोटी संघ
दिमुथ करुणारत्ने (कर्णधार), लाहिरू थिरिमाने, कुसल मेंडिस, अँजेलो मॅथ्यूज, धनंजया डी सिल्वा, चरिथ असलंका, निरोशन डिकवेला (विकेटकीपर), सुरंगा लकमल, लसिथ एम्बुल्डेनिया, विश्व फर्नांडो, प्रवीण जयविक्रमा
महत्त्वाच्या बातम्या
ट्रेंडिंग न्यूज
