विराटचं शतक, सिराजच्या तीन विकेट, भारत-पाक सामना सुरु होण्याआधीच निकाल ? स्कोअरबोर्ड व्हायरल
IND vs PAk : चौका चौकात, नाक्यावर, कट्ट्यावर याचीच चर्चा सुरु आहे. पण हा सामना सुरु होण्याआधीच सोशल मीडियावर स्कोअरबोर्ड व्हायरल झाला आहे.
India vs Pakistan : भारत आणि पाकिस्तान यांच्यामध्ये आज अहमदाबादच्या (Narendra Modi Stadium) मैदानात महामुकाबला होणार आहे. World Cup 2023 मधील या सामन्याकडे सर्वांच्या नजरा खिळल्या आहेत. आजच्या लढतीत कोण बाजी मारणार, याबाबत आजी-माजी खेळाडू अंदाज व्यक्त करत आहेत. चौका चौकात, नाक्यावर, कट्ट्यावर याचीच चर्चा सुरु आहे. पण हा सामना सुरु होण्याआधीच सोशल मीडियावर स्कोअरबोर्ड व्हायरल झाला आहे.
सामन्याचा निकाल सांगणाऱ्या या स्कोअरबोर्डची सोशल मीडियावर तुफान चर्चा सुरु आहे. आज होणाऱ्या सामन्यात भारतीय संघ जिंकेल. विराट कोहली वादळी शतक ठोकून भारताच्या विजयात मोलाची भूमिका बजावेल, त्याशिवाय गोलंदाजीमध्ये मोहम्मद सिराज भेदक मारा करेल, असं व्हायरल होणाऱ्या स्कोअरबोर्डवरील आकडे सांगतात.
व्हायरल स्कोअरबोर्डचा फोटो हा विकिपीडियारील असल्याचे दिसत आहे. त्यात सामन्याचा निकाल दाखवण्यात आला आहे. पाकिस्तानचा कर्णधार बाबर आझम नाणेफेक जिंकून भारताला प्रथम फलंदाजी करण्यास निमंत्रित करेल. भारतीय संघ 50 षटकांत 4 विकेट्सच्या मोबदल्यात 334 धावांचा डोंगर उभारेल. त्यात विराट कोहलीचं महत्त्वाचं योगदान असेल. कोहली 83 चेंडूंमध्ये नाबाद 119 धावांची खेळी साकारेल. पाकिस्तानाचा वेगवान गोलंदाज शाहीन आफ्रिदी या सामन्यात 10 षटकांत 84 धावांच्या मोबदल्यात दोन फलंदाजांना बाद करेल, असे व्हायरल होणाऱ्या स्कोअरबोर्डवर दिसत आहे. भारताच्या आव्हानाचा पाठलाग करताना पाकिस्तानचा डाव फक्त 237 धावांमध्ये आटोपला जाईल. यामध्ये मोहम्मद रिजवान 54 धावांची खेळी करेल. तर भारताकडून मोहम्मद सिराज 10 षठकात 36 धावांच्या मोबद्लयात तीन विकेट घेईल. भारतीय संघ पाकिस्तानचा 97 धावांनी पराभव करेल, असे व्हायरल होणाऱ्या स्कोअरबोर्डवर दिसत आहे.
सोशल मीडियावर हा स्कोअरबोर्ड वाऱ्यासारखा व्हायरल होत आहे. नेटकऱ्यांनी विविध प्रतिक्रिया दिल्या आहेत.
— Out Of Context Cricket (@GemsOfCricket) October 13, 2023
Khelne se pahle hi haar gye 🤣🤣 pic.twitter.com/VJlqpkF4gW
— Nishant 🇮🇳 (@Nishantchant) October 13, 2023
Time machine discovered? pic.twitter.com/CdFVQIWFnR
— Prof cheems ॐ (@Prof_Cheems) October 13, 2023
Time machine discovered? pic.twitter.com/CdFVQIWFnR
— Prof cheems ॐ (@Prof_Cheems) October 13, 2023
Script Leaked 🤣 pic.twitter.com/1aF7Wr1iu2
— TEJASH 🚩 (@LoyleRohitFan) October 13, 2023
Fixed 💯 pic.twitter.com/sliRJIib2d
— Hamza Tariq (@_HamzaPro) October 13, 2023
थोड्याच वेळात भारत आणि पाकिस्तान (IND vs PAK) यांच्यातील महामुकाबल्याला सुरुवात होणार आहे. अहमदाबादच्या नरेंद्र मोदी स्टेडिअवर (Narendra Modi Stadium) भारत आणि पाकिस्तान यांच्यातील आमना सामना होणार आहे. दुपारी दोन वाजता या महामुकाबल्याला सुरुवात होणार आहे. या सामन्यात भारतीय संघाचे (Team India) पारडे जड मानले जात आहे.
महत्त्वाच्या बातम्या
ट्रेंडिंग न्यूज
